لندن۔31جولائی (اے پی پی):چیئرمین سینیٹ سید یوسف رضا گیلانی ءِ سروکی ءَ سینیٹ ءُ راجی اسمبلی ءِ ڈل ءَ گوں جموں کشمیر وت واجئی ھک ءِ جنز، برطانیہ ، انٹرنیشنل لابی آن کشمیر ءُ برطانیہ ءَ نندوکیںانٹر نیشنل سٹوڈنٹس سوسائٹی ءِ نماھندگ آں ادا گند ءُ نند کت۔ سینیٹ سیکرٹریٹ ءَ چہ جاڑی بوتگیں بیان ءِ رد ءَ اے موہ ءَ چیئرمین سینیٹ ءَ گوشتگ کہ کشمیر ءِجیڈھ ءِ ھوالگ ءَ پاکستانءِ بن گپ سہرا انت۔ آئیء َ مقبوضہ کشمیر ءَ کودکیں مردم آنی کشگ ءُ ظلم ءُ زوراکی ءِآماچ بوھگ ءِ ھوالگ ءَ مذمت ءِ درشان کت۔ آئیءَ گوشت کہ بھارتی فورج الس آنی جائزیں ھک ءَ را لگت مال کنگ ءَ ایشی ءَ چہ میاں اوستمانی کانود آنی لگت مالی ھم بوھگ ءَ انت۔ آئی ءَ گوشت کہ کشمیری آنی واستہ گوانک چست کنگ ءِواستہ کار کنوکیں برطامیہ ءَ نندوکیں پلیٹ فارمز آنی کوشست آناں ساڑات۔ آئیءَ گوشت کہ پاکستان ءَ کشمیر ءِ جیڈھ کشمیر ءِ یونائیٹڈ نیشن، اسلامی کمکی ل گل او آئی سی ءُ ایندگر پلیٹ فارم آنیسر ءَ سہرا کتگ۔ چیئرمین سینیٹ ءَ گوشتگ کہ کشمیر ءِ جیڈھ ءِ بابت ءَ پاکستان ءِدرئی پالیشی آنی بنیاتی چیز انت ءُ ما لوٹاں کہ میاں اوستمانی کانود ، یونائیٹڈ نیشن ءِ سلامتی کونسل ءِ منوگری ءُکشمیری الس آنی واھشت آنی رد ءَ کشمیر ءِجیڈھ ءِگیواری بہ بیت۔ کشمیر ی ڈل ءَ جموں کشمیر سیلف ڈیٹر مینیشن موومنٹ انٹر نیشنل ءِ چیئرمین راجی نجابت حسین ، مانچسٹر ءِپیسریگیں لارڈ میئر کونسل یاسمین ڈار چیئر پرسن انٹر نیشنل لابی آن کشمیر ءُ ذیشان عراف صدر انٹر نیشنل سٹوڈنٹس سوسائٹی ھوار اتنت۔
