اسلام آباد۔31جولائی (اے پی پی): مزن وزیر محمد شہباز شریف ءَ گوشتگ کہ حکومت ملک ءَ انٹرنیٹ ءِ ترندیں ءُ یک شلیں پجاری ءِ واستہ گیشاں چہ گیش گامگیج کنگ ءَ انت، فیڈرل بورڈ آف ریونیو ءِ ڈیجیٹائزیشن معیشت ءَ را ڈیجیٹل کار رپک آنی سر ءَ آرگ ءُ آٹو میٹک نظام ءِ واستہ بنیاتی کار ءِ بیت۔ آ چار شمبے ءَ ادا ایشیا انٹرنیٹ کولیشن جیف پئین کنگ ءَ ات۔ گند ءُ نند ءَ ڈیٹا ءِ رکھینگ، انٹر نیٹ ءِ سر ءَ چیز آنی ھوالگ ءَ کار رپک ءُ الیکٹرانک کرائم آنی گر ءُ دار ءِ واستہ گامگیج آنی بابت ءَ تران کنگ بوت۔ مزن وزیر ءَ گوشت کہ ملک ءَ انٹرنیٹ ءِ ترند تریں ءُ یک شلیں پجاری ءِ واستہ حکومت گیشاں چہ گیش گامگیج چست کنگءَ انت، پاکستان ءَ انفارمیشن ٹیکنالوجی انفراسٹرکچر ءَ ڈنی سرمایہ کاری ءَ را دلگوش کنگ ءِ بابت ءَ پد ءُ رند جاڑی انت۔ حکومت وت جوڑ کتگیں چیز آنی بنیاتی کوکا ءِ شنگ ءُ تالانی ءِ بابت ءَ کار کنگ ءَ انت۔ مزن وزیر ءَ گوشتگ کہ ما وت جوڑ کنگی سامان آنی انفراسٹرکچر ءِ بابت ءَ پاکستان ءَ را پڑ ءَ یک جوانیں ملک ءِ جوار کنگ ءِ ھوالگ ءَ جزمیگ انت۔ حکومت ءِ ڈیجیٹل پاکستان اینیشی ایٹو ءِ چیر دستی ءَ سرجمیں نظام ءَ را ڈیجیٹائز کنگ بوھگ ءَ انت، فیڈرل بورڈ آف ریونیو ءِ ڈیجیٹائزیشن معیشت ءَ را ڈیجیٹل رھبند ءُ وت جوڑ کتگیں نظام آنی نیمگ ءَ برگ ءِ ھوالگ ءَ یک ٹوھیں گامگیج ات۔ مزن وزیر ءَ گوشت کہ پرسنل ڈیٹا پروٹیکشن بل ءِ مسل ءِ ھوالگ ئَ توامیں سٹیک ہولڈر آنی گوما شو ر ءُ مشور جاڑی انت۔ مزن وزیر ءَ پاکستان ءُ ایشیا پیسفک ریجن ءَ انفارمشین ٹیکنالوجی ءُ انٹر نیٹ انفراسٹرکچر ءِ دیمروئیءِ واستہ ایشیا انٹر نیٹ کولیشن ءِ ازمت آناں ساڑات۔ ڈل ءَ مزن وزیر ءَ را انٹر نیٹ کولیشن ءِ پاکستان ءَ انفارمیشن ٹیکنا لوجی ءِ شوبگ ءَ جاڑیگیں وتی سروسز آنی بابت ءَ سرپد کت۔ گند ءُ نند ءَ وزیر ءِ مملکت برائے انفارمیشن ٹیکنالوجی ئُ ٹیلی کام شزا فاطمہ ، تانیہ ادروس ءُ سیادی داروکیں ادارگ آنی ٹوھیں سرکاری اپسرگ ھم ساڑی اتنت۔
