اسلام آباد۔ 31 جولائی (اے پی پی) بنجائی وزیر داخلہ محسن نقوی تون مجلس وحدت المسلمین ناایم این اے حمید حسین نا کماشی ٹی کرم آن تعلق تخوک آ ڈل اوڑدہی کرے۔ وزیرداخلہ کرم اٹی پیش بروک آاست ہسون واقعہ غاتیا سخت گڑتی نا درشانی ءِ کرسا آخبت اٹ داوڑنا واقعہ غاتا توننگ کن جوان حکمت عملی اس ترتیب تننگ آ گپ وتران کرینے۔ محسن نقوی نہادی انسانی جون تا زیان آ ڈکھیائی و است ہسونی نا درشانی ءِ کرسا ٹھپی تا زوت دراخ جوڑی کن دعاکرینے۔ محسن نقوی پارے کہ اِرا گروپ آتا نیام اٹ تصادم ءِ غلط رنگ تننگا۔ داچرجوئی ٹی علاقہ نا سرکڑدہ شخصیت آتے دا ایشونا پائیدار ایسری کن تینا مثبت کڑد ءِ ادا کروئی ءِ۔ حکومت باندات آتا ایسری کن ہرممکن کمک فراوان کیک۔ علاقہ ٹی ایلمی و ہم گرنچی ءِ برقرارتخنگ کن غٹ ءِ اواری اٹ کڑد ادا کننگ نا گرج ءِ۔ بنجائی وزیر داخلہ محسن نقوی کرم نا ہڑتوم آ گروپ آتا سرکڑدہ شخصیت آتیا نمائندہ ڈل ءِ ہم اوڑدہی کن بٹنگا۔ ڈل اٹی منیر حسین، پروفیسر شبیر بنگش، محمد بشیر بنگش، رحیم گل و حاجی نور رحمان اوار ئسر۔ بنجائی سیکرٹری داخلہ خرم علی آغا ہم داوخت آساڑی ئس۔
