بنجائی وزیر حوالکاری عطاء اللہ تارڑ نا سینئر ادارکاروکامیڈین سردار کمال نا کزیت آ است ہسونی نا درشان

اسلام آباد۔ 31 جولائی (اے پی پی) بنجائی وزیر حوالکاری، شینکاری، قومی میرات و دودوربیدہ عطاء اللہ تارڑ سینئر اداکارو کامیڈین سردار کمال نا کزیت آ ڈکھیائی وا ست ہسونی نا درشانی ءِ کرینے۔ چارشنبے نادے آ تینا ہڑزخواہی بیان اٹی بنجائی وزیر حوالکاری ایماندار نا خاہوت تون ہڑزخواہی و ہمدردی نا درشانی ءِ کرسا پارے کہ سردار کمال اسہ عظیم ءُ فنکار اس ئس، اونا کزیت نا خبر نا بنگٹ بھاز است ہسونی مس۔ اوپارے کہ سردار کما ل نا کزیت آن پاکستانی شوبزانڈسٹری اسہ عظیم فنکار اسے آن محروم مسنے، سردار کمال اسہ ہندن ءُ فنکار اس ئس ہرامدام ایلوفتا چہرہ غاتیا بشخندہ تالان کرے۔ اوپارےکہ ڈکھیائی نا داساہت اٹی غمزدہ خاہوت آتون سلوک اُن۔ ایماندار نا شوبزانڈسٹری کن خذمت آتے مدام یات تخنگک۔ بنجائی وزیر دعاکرے کہ اللہ تعالیٰ ایماندار ءِ جنت اٹ بڑزکو ہند و خاہوت ءِ صبر وجمیل عطاکے۔ آمین