گودی غزالہ گولہ بطور ڈپٹی اسپیکربلوچستان اسمبلی ٹی تینا اہم کڑد ءِ ادا کننگ اٹیءِ، صباخان کاکڑ

کوئٹہ۔ 31 جولائی (اے پی پی) پاکستان پیپلزپارٹی بلوچستان زالبول ونگ انا صوبائی ڈپٹی انفارمیشن سیکرٹری گودی صباخان کاکڑ پارینے کہ ڈپٹی اسپیکر بلوچستان اسمبلی و پاکستان پیپلزپارٹی زالبول ونگ انا صوبائی صدر گودی غزالہ بحیثیت  ڈپٹی اسپیکر بلوچستان اسمبلی تینا فرض ءِ جوان وڑاٹ سرتننگ اٹی ءِ، وزیراعلیٰ بلوچستان و اونا کابینہ اسہ زالبول اسے ڈپٹی اسپیکر بلوچستان اسمبلی گچین کرسا دا کلہو ءِ تس زالبول آک ہم کس اسے آن کم افس، پاکستان پیپلزپارٹی مدام ہردوراٹی  زالبول آتے اہم منصب آ فائز کرے۔ داہیت ءِ او تین اجاری کروک بیان اٹی پارے۔ اوپارے کہ صوبائی حکومت اٹی غٹ وزیر آک خاص وڑاٹ ڈپٹی اسپیکر بلوچستان اسمبلی گودی غزالہ گولہ نا کارکڑد بھاز ستاکڑزک ہرا الس نا خذمت اٹ مدام پیش پیش رہینگانے۔ اوپارے کہ گودی غزالہ گولہ نا کماشی ٹی صوبہ ٹی پیپلزپارٹی زالبول ونگ کیہی مزل آتے طے کرینے، اوپارٹی نا تہہ ٹی پوسکن ءُ ساہ اس شاغانے و مچ آ صوبہ نا زالبول آتے منظم و سوگو کرےے تانکہ اوتینا حق انا جنگ ءِ تینٹ کننگ کیر۔ اوپارے کہ پیپلزپارٹی الس ناخذمت نا جوزہ تخک و داسہ مخلوق نا خذمت ءِ کرسا تاریخ اس نوشتہ کینہ، پاکستان پیپلزپارٹی اسٹ انگا سیاسی جماعت ءِ ہرا الس نا ویل آتے گچین وڑاٹ ایسر کننگ اٹی ءِ و الس نا ہر ڈکھ و سکھ اٹی اوفتے تون سلوک ءِ۔ گودی صباخان کاکڑ گودی غزالہ گولہ صاحبہ پیپلزپارٹی زالبول آتے واکدار کننگ آ یخین تخک۔