اسلام آباد۔ 31 جولائی (اے پی پی) وزیراعظم محمد شہبا زشریف پارینے کہ مادر ملت گودی فاطمہ جناح آجوئی نا جہد اٹی قائد اعظم محمد علی جناح تون ہم کوپہ ئس، جمہوریت ءِ مون آ دننگ کن گودی فاطمہ جناح نا عزم پکا و متاثر کن ئس۔ مادر ملت گودی فاطمہ جناح نا ودی دے آ راجی رابطہ نا ویب سائٹ ایکس آ تینا ٹویٹ اٹی وزیراعظم پارے کہ بانی پاکستان قائد اعظم محمد علی جناح تون اوار جہد آجوئی ٹی گودی فاطمہ جناح نا کڑد نمان ئس، جمہوریت ءِ مون آدننگ کن اونا عزم پکا و متاثرکن ئس، او غٹ پاکستانی تیکن قابل شرف و رول ماڈل ئس۔ اوپارے کہ فاطمہ جناح نا مچ آ زند لگن نا جوزہ غان سرشارئس، اونا لازوال میرات ننکن کسر نا ڈیواءِ۔
