چیئر پرسن بینظیر انکم سپورٹ پروگرام سینیٹر روبینہ خالد ءِ بلوچستان ءِ وزیر برائے وانگ ءُ زانگ ءُ تکنیکی ھیل کاری ءَ گوں گند ءُ نند

اسلام آباد۔30جولائی (اے پی پی):چیئرپرسن بینظیر انکم سپورٹ پروگرام سینیٹر روبینہ خالد ءَ بلوچستان ءِ وزیر برائے وانگ ءُ زانگ ءُ تکنیکی ھیل کاری راحیلہ حمید خان درانی ءَ گوں گند ءُ نند کت ایشی ءِ مول ءُ مراد ورنا ءُ گریب ءُ زالبول آناں ھیل کاری ءِ وسیلگ ءَ وت مستر کنگ ءِواستہ یک یکجائی گامگیج ءِ بابت ءَ ھیال ریچی پجارینگ انت۔ اے پروگرام ءِ مول ءُ مراد بینظیر انکم سپورٹ پروگرام ءَ چہ سیت چست کنوکیں مردم آنی زندمان ءَ را گہتر جوڑ کنگ گند ءُ نند ءِ ساھت ءَ دوئیں محکمہ آنی ازمکاری ءَ چہ سیت چست کنگ ءِ بابت ءَ دلگوشی دیگ بوت تانکہ مارکیٹ ءِ رد ءَ ارزشتی ایں ھیل کاری پجاری بوت بہ کنت ایشی ءِ وسیلگ ءَ بزگریں مردم آناں روزگار ءِ تہ ءَ گیشی ءُ آئی ءِ معاشی موہ پجاری کنگ بوت بہ کنت۔ شریکداری ءِ مول ءُ مراد بلوچستان ءَ چاگردی ءُ اقتصادی دیمروئی ءَ را دیمروئی دیگ انت۔دوئیں سروک آں پاکستان ءِ الس آناں روشنائیں آیوکیں باندات ءِ واستہ یکجائی ءَ کار کنگ ءِ جزم ءِ درشان ءَ کنان ءَ ھمزوریں تبک ءِ گہتری ءِ واستہ یکجائی کوشست آنی ارزشت ءِ ھوالگ ءَ زور پر دات۔