دولت مشترکہ ءِ گوما کمک   آناں مھکم   جوڑ  کنگءِ ضلورت انت،  پاکستان دولت  مشترکہ ءِ  جوڑیشکار  بوھگ ءِ   رد ءَ   گل ءَ را باز ارزشت  دنت،  صدر   مملکت آصف علی زرداسری  ءِ دولت  مشترکہ  ءِ سیکرٹری  جنرل  پیٹریشیا  سکاٹ لینڈ  ءَ گوں گند ءُ نند ءَ  تران

اسلام آباد۔30جولائی  (اے پی پی):صدرمملکت آصف علی زرداری  ءَ  دولت  مشترکہ   ءِ گوما کمک  آناں مھکم  جوڑ    کنگ ءِ  ضلورت   ءِ ھوالگ ءَ زور  پر دیان ءَ گوشتگ کہ پاکستان دولت  مشترکیہ  ءِ جوڑیشت کار  بوھگ ءِ  رد  ءَ    گل ءَ را  باز ارزشت دنت۔  ایوان ءِ صدر  ءِ   پریس  ونگ ءِ رد ءَ صدر  مملکت  آصف علی زرداری   دولت  مشترکہ  ءِ سیکرٹری    جنرل  پیٹریشیا  سکاٹ  لینڈ      ءَ گوں  تران کنان ءَ   آئیءِ سروکی  ءَ ڈل ءَ سئے شمبے  ءَ  آئیءَ گوں گند ءُ نند کت۔  صدر  مملکت  ءَ موسمی مٹ ءُ بدلی ،  وانگ ءُ زنگ  ،  پارلیمانی      وت مہ وتی  ھیال ریچی،  کدرتی توپان آنی    گر ءُدار ءِ شوبگ ءَ   مھکمیں  کمک  ءِ ضلورت   ءِ ھوالگ ءَ زور پر دیان ءَ گوشتگ کہ  پارلیمانی  ادارگ  ھاسیں   رد ءَ ورنا    پارلیمنٹیرینز   ءُ نودربر   آنی نیام ءَ رابطہ  آناں ودینگ    لوٹ ائیت۔   گند ءُ نند ءَ پاکستان    ءِ   سر ءَ موسمی  مٹ   ءُ بدلی   ءِ رند    پد   آنی  بابت ءَ ھیال  ریچی  کنگ بوت۔  صدر  مملکت   ءَ گوشت  کہ  پاکستان  ءَ موسمی  مٹ ءُ بدلی    آں چہ  باز تاوان  رستگ۔  موسمی  مٹ ءُ  بدلی  آنی   آسر آناں  کم  کنگ ءِ واستہ سندھ   ءَ   20  لکھ  ءَ   چہ  گیش   مینگرو وز  جنگ بوتگ،  میاں اوستمانی  مارکیٹ ءَ کاربن کریڈٹ  ءِ تجارت   ءَ چہ  27 ملین    ڈالر   کمائینگ  بوتگ  انت۔  آئیءَ گوشت  کہ  سندھ حکومت    2022   ءِ سیلاپ   ءِ رد ءَ    20 لکھ    مھکمیں    ماڑی  آنی   تہءَ جوڑ  کنگ   بوتگ۔  سیکرٹری   جنرل  پیٹریشیا سکاٹ لینڈ  ءَ گوشت کہپاکستان ءِ موسمی  مٹ ءُبدلی    ءَ گوں بندوکیں  ٹوھیں  جیڈھ  آنی  گوما دیم  پہ دیمی انت۔ سیکرٹری جنرل   ءَ گلءِ پاکستان   ءِ گوما   جوانیں  کمک  آنی ھوالگ ءَ چمشانک دات۔ صدر  مملکت ءَ  2022   ءِ    ٹوھیں   سیلاپ ءُ توپان ءِ  نتیجگ  ءَ  پاکستان ءِ    واستہ   پیٹریشیا  سکاٹ لینڈ  ءِ  ازمت آناں  ساڑات۔