وزیراعظم نا چیئرمین این ڈی ایم اے ءِ بشام نا پِر تیان ودی مروک آ حالیت آتون مون تننگ کن غٹ المی گام گیج آتے کننگ ناپارت

اسلام آباد۔ 30 جولائی (اے پی پی) وزیراعظم محمد شہبازشریف چیئرمین نیشنل ڈیزاسٹر مینجمنٹ اتھارٹی ءِ مچ آملک اٹی بشام نا پِر تیان ودی مروک آ حالیت آتون مون تننگ کن غٹ المی گام گیج آتے کننگ نا پارت کرینے۔ سے شنبے نادے آ وزیراعظم آفس نا میڈیاونگ آن جاری بیان نارداٹ وزیراعظم شہباز شریف ٹیل فون آ این ڈی ایم اے نا چیئرمین لیفٹیننٹ جنرل انعام حیدر ملک ءِ پِرتیان مروک آ جانی و مالی نسخان تا کساس ءِ خلنگ، صوبائی ڈیزاسٹر مینجمنٹ ڈیپارٹمنٹ، آزاد کشمیر اسٹیٹ ڈیزاسٹر مینجمنٹ اتھارٹی و گلگت بلتستان ڈیزاسٹر مینجمنٹ اتھارٹی نا رابطہ غاتے پین گچین کننگ و پِر و لینڈ سلائیڈنگ آن زہمی شاہراہ و سڑک آتے بحال کننگ نا بابت ترند تر گام گیج آتا پارت کرے۔ وزیراعظم پارت کرے کہ زہمی علاقہ غاتیٹی درمان نا غٹ تر آسراتی و کمکی گڑا بشمول دوائی و ایلو المی آ گڑاتا فراوانی ءِ پک کننگے۔ وزیراعظم بشام نا پِر و اوفتا رداٹ ودی مروک آ نوکاپی حالیت آتیٹی مروک آمرک آتیا ڈکھیائی و است ہسونی نا درشانی ءِ کرے و زوال کروک آ بندغ آتا درجہ غاتا بڑزی کن دعا و خاہوت آتون ہڑزخواہی نا درشانی ءِ کرے۔ وزیراعظم پِر تاسوب آن شکست آتیٹی ٹھپی مروک آتے ہرممکن طبی امداد فراوان کننگ ناہم پارت کرے۔