اسلام آباد۔ 30 جولائی (اے پی پی) بنجائی وزیر صنعت وپیدوار و نیشنل فوڈ سیکورٹی رانا تنویر حسین پارینے کہ کشاری بشخ ءِ پوسکن آ خواست آتیا بدل کننگ کن سنبرینگوک اُن، کشاری بشخ 6.25 درسد شون ہلکنے ہراڑآن جم اقتصادی شونداری نا کچ اٹی 2.38 درسد ودکی مسنے۔ داخیال آتا درشانی ءِ او سے شنبے نادے آ پاکستان کشت وکشار نا بدلی نا سرحال آن سیمینار آن تران کرساکرے۔ اوپارے کہ کشاری بشخ ءِ پوسکن آ خواست آتیا بدل کننگ کن سنبرینگوک اُن، کشاری بشخ اٹی شریدار آتون کمکاری آ کاریم برجاءِ، تدوک آ سال کشاری بشخ ایلو بشخ آتا مثبت شاندار نتیجہ تسنے۔ رانا تنویر حسین پارے کہ کشاری بشخ 6.25 درسدشون ہلکنے ہراڑآن جم اقتصادی شونداری نا کچ اٹی 2.38 درسد ودکی مسنے، فصل آتا گچین پیدوار برآمد آتے مون آدرینے، کشاری بشخ ءِ درکار ادارہ جاتی کمک فراوان کننگ اُن، پاکستان اٹ رواج کشارگری نا روایتی وڑوڈول غیرپائیدار ناکارہ ءِ، داڑآن خڑچ آتیٹی ودکی و کٹیا ٹی کمتی واقع مریک۔ اوپارے کہ کشاری بشخ اٹی پوسکن آٹیکنالوجی نا کاریم اٹ اتنگ بھاز المی ءِ، پوسکن آٹیکنالوجی نا کاریم اٹ اتنگ آن چاگڑدی اثرآتے کم کننگ مریک۔ آئی سی ٹی، آئی اوٹی، موبائل ایپلی کیشن ، جی پی ایس/جی آئی ایس، و یواے وی۔روایتی کشارگری نا وڑوڈول آتے بدل کننگ ا ٹ اہم کڑد ادا کننگ ءِ۔
