خاران۔ 30جولائی(اے پی پی) ڈپٹی کمشنر منیر احمد سومرو نا کماشی ٹی ڈسٹرکٹ ہیلتھ کمیٹی نا دیوان اس اڈ ہلک۔ دیوان اٹی ڈی ایچ او ڈاکٹر شیراحمد بلوچ، ڈی ایس ایم پی پی ایچ آئی نور احمد کبدانی، ایم ایس ڈاکٹر محبوب بلوچ ڈرگ انسپکٹر محمد یوسف کبدانی ئسک ہم ساڑی ئسر۔ دیوان اٹی محکمہ ہیلتھ انا جم کارکڑد نا سرجمی اٹ جاچ ء ِ ہلنگا و ہیلتھ ملازم آتا حاضری تون اوار ایلو ویل آتیا گپ وتران مس۔ ڈپٹی کمشنر خاران دیوان اٹی پارے کہ شعبہ ہیلتھ انا کارکڑد ءِ خاص وڑاٹ چیک اینڈ بیلنس کننگ اُن و انشاء اللہ ہیلتھ ڈیپارٹمنٹ نا ویل آتے زوت ایسر کننگ کن ہرممکن گام گیج کینہ۔
