اسلام آباد۔29جولائی (اے پی پی):صدر مملکت آصف علی زرداری ءَ فیڈرل پبلک سروس کمیشن سول سروس ءَ بھرتی ءِ کار ءَ را گیش گہتر کنگ ءُ سرکاری مزوری آنی تہ ءَ زالبول ءُ گور آنی سروکی ءَ را ودینگ ءِ ضلورت ءِ ھوالگءَ زور پر دیان ءَ گوشتگ کہ جوانیں ءُ ساپ ءُ سلہ ائیں بھرتی ءِ کار ءَ چہ لائکیں ءُ ازمکاریں سرکاری مزور آنی گچین کنگ ءَ کمک رسیت۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر مملکت ءَ اے ھیالانی درشانی آئی ءَ فیڈرل پبلک سروک کمیشن ءِ کلانہ ایں ممبر اکبر حسین درانی ءِ سروکی ءَ ڈل ءَ گوں تران کنان ءَ کت آئیءَ دو شمبے ءَ ادا ایوان ءِ صدر ءَ گوں گند ءُ نند ءَ کت۔ آئی ءَ گوشت کہ کمیشن ءِ سر ءَ سرکاری مزور آنی بھرتی ءِ ارز شتی ایں زمہ واری است انت۔ کمیشن نوکری ءِ واستہ راستیں مردم آنی گچین ءِ واستہ نوکیں کار رپک آنی سر ءَ چار ءُ بچار کنگ ءَ انت۔ صدر ءَ زالبول ءُ گور آناں گوں وت ھمگام کنگ ءِ ھوالگ ءَ زور پر داتگ ءُ گوشتگ کہ سر کاری مزور آنی تہءَ زالبول ءُ گور آنی سروکی ءَ ودینگ لوٹ ائیت۔ آصف علی زرداری ءَ گوشتگ کہ نوکیں ٹیکنالوجی ءُ نوکیں کار رپک ھاسیں رنگ ءَ کمپیوٹر ائزڈ ٹیسٹنگ ءَ چہ بھرتی کنگ ءَ چہ اے کار گیش ساپ ءُ سلہ بیت۔ صدر ءَ گوشت کہ نبشتانکی ٹیسٹ ءَ جوانیں نمبر گروک آناں ساپ ءُ سلہ ئی ءِگوما پولگ بہ بیت۔ اکبر حسین درانی ءَ صدر مملکت ءَ را سرکاری مزور آنی بھرتی ءَ کمیشن ءِ کرد ءِ بابت ءَ سرپد کت ءُکمیشن ءِ استیں جیڈھ آنی ھوالگءَ چمشانک دات۔ صدر مملکت ءَ ڈل ءَ را جیڈھ ءِ گیواری ءُ بھرتی ءِ نظام ءَ گہتر جوڑ کنگ ءَ وتی کمک ءُ سروکی ءِ دل یکیمی دات۔
