راولپنڈی۔29جولائی (اے پی پی):گوادر ءَ نام نہاد بلوچ راجی مچی ءِ نام ءَ سیکورٹی ڈیوٹی ءِ سر ءَ اوشتاتگیں سیکورٹی فورسز آنی کارندہ آنی سر ءَ ارش ءِ نگیجگ ءَ پاک فوج ءِ ورنا شہید وھدیکہ یک فوج اپسرگ ءَ ھوار 16 ورنا ٹپیگ بوتگ ا َنت۔ پاک فوج ءَ مچی کشاں چیل کنگ اچ سگ ءُ اوپار کنگ نہ بنت زمہ وار آناں کانود ءِ پنجگ آں آرگ ءِ جزم ءِ درشان کت۔ آئی ایس پی آر ءِ رد ءَ 29 جولائی ءَ وت سرئیں بلوچ راجی مچی ءِ نام ءَ کشاں چیل کتگ ءُ گوادر ضلع ءَ سیکورٹی ڈیوٹی ءَ اوشتاتگیں سیکورٹی فورسز آنی کارندہ آنی سر ءَ ارش کتگ۔ ایشی ءِ نتیجگ ءَ سپاہی شبیر بلوچ (عمر: 30 سال؛ رہائشی: ضلع سبی) شہید بوتگ۔ ایشی ءَ ابید کشاں چیل ءُ ارش آنی سبب ءَ یک اپسرگ ءَ ھوار شانزہ اپسرگ ٹپیگ بوتگ انت۔ دومی نیمگ ءَ سوشل میڈیا ءِ سر ءَ گیر کانودی کشاں چیل ءُ مارچ ءِ واستہ دلپدردی ءُ کمک در جنگ ءِ لواستہ پروپیگنڈا کنوک آنی نیمگ ءَ چہ دروگیں اکس ءُ ویڈیوز کارمرز کتگ ایش درست دروگ انت پندل ساچگ بوھگ ءَ انت۔ آئی ایس ل پی آر ءَ گوشت کہ سیکورٹی فورسز آں کشاں چیل ءُ چپت ءُ چوپ ءَ لس الس آنی تاوان ءُ مرگ ءَ چہ رکھگ ءِ واستہ باز سگ ءُ اوپار کشی ءِ درشان کتگ۔ مچی ءِ کشاں چیل کنگ ءُ جنگ ءُ چوپ لائک ءِ سگ ءُ اوپار کنگ نہ بنت ءُ زمہ وار آناں کانود ءِ پنجگ ءَ گرگ ءُ آرگ بیت۔ توامیں شہری آں گوں دستبندی انت کہ آ پروپیگنڈا آں باور مہ کن اِت۔ ایمن بہ بئے ءُ ایمنی ءَ را برجا بدار اِت ، ءُ کانود ءَ را مھکم داروکیں ادارگ آنی گوما کمک بکن ات۔ آئی ایس پی ءَ گوشت کہ پاکستان ءِ سیکورٹی فورسز راج ءِ گوما ھمگامی ءَ بلوچستان ءَ ایمنی ءُ برجائی ءَ را ڈگار جنوک آنی کوشست آناں ناکام جوڑ کنگ ءِ واستہ جزمیگ انت۔
