اسلام آباد۔29جولائی (اے پی پی): مزن وزیر شہباز شریف ءَ میاں اوستمانی کریڈٹ ریٹنگ ایجنسی “فچ” ءِ نیمگ ءَ چہ پاکستان ءِ ریٹنگ ٹرپل سی پلس کنگءَ را وش اتک کتگ ءُ گوشتگ کہ ریاست ءِ ھاترا سیاست ءِ قربانی ءِ بر ورد مرچی معاوشی گہتری ءِ رنگ ءَ ملکءُ راج ءَ را رسگ ءَ انت، پاکستان ءِ میاں اوستمانی ریٹنگ ٹرپل سی پلس بوھگ راستیں معاشی پالیشی ءِ میاں اوستمانی منگ انت۔ وزیر ءِ ھزانگ محمد اورنگزیب ءُ مالیاتی ٹیمب ءِ محنت ءُ کوشست لائک ءِ ستا انت۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ گوشتگ کہ ریاست ءِھاترا سیاست ءِ قربانی ءِ بر ورد مرچی معاشی گہتری ءِ رد ءَ ملک ءُ راج ءَ را ملگ ءَ انت۔ پاکستان ءِ میاں اوستمانی ریٹنگ ٹرپل سی پلس بوھگ راستیں معاشی پالیسی ءِ میاں اوستمانی تک ءَ منگ انت۔ مزن وزیر ءَ گوشت کہ معاشی گہتری ءِ ایجنڈا شپ ءُ روچ کار ءَ انت۔ ایشی ءِ برورد الس آں تاں پجاریناں ءُ دم کشاں، فش ءُ ایندگر میاں اوستمانی مالیاتی ادارگ آنی رپوٹ پاکستان ءِ معاشی گہتری ءِھوالگ ءَ ارزشتی انت۔ مزن وزیر ءَ گوشتگ کہ پاکستان ءِ معاشی گہتری ءِ کشک گیش ازمت ءُ جوزگ ءَ چہ دیم ءَ ود اَنت۔ امیت انت کہ آئی ایم ایف ءِ نوکیں پروگرام ءَ چہ پاکستان ءِ معاشی گہتری ءُ چست ءُ ایر آنی تہ ءَ گیشی بیت۔ مزن وزیر ءَ گوشتگ کہ سٹیٹ بینک ءِ نیمگ ءَ چہ سُت ءِ کساس ءِ تہءَ گیشی یک درسد کمی بوھگ ءِ جار ھم معاشی گہتری ءِ یک دگہ نوکیں لکا ات، سُت ءِ کساس ءِ تہ ءَ کمی ءَ چہ لس مردم کنشت ءِ تہ ءَ گیش کمی بیت۔ کاروباری چست ءُ ایر آنی تہءَ گیشی بیت۔
