اسلام آباد۔ 29 جولائی (اے پی پی) وزیراعطم شہباز شریف بھلا پِر تیٹی الس نا جان و مال انا رکھ اکن گام گیج آتے پک کننگ نا پارت کرساپارینے کہ شیفکو علاقہ غاتیان مخلوق نا وخت آ کشنگ و دیر انا کشنگ ءِ پک کیر، طبی عملہ ، دوائی و وخت آ درمان ، ویکسین نا فراوانی ءِ پک کننگے۔ دوشنبے نادے آ وزیراعظم آفس نا میڈیا ونگ آن جاری بیان نارداٹ وزیراعظم نیشنل ڈیزاسٹر مینجمنٹ اتھارٹی (این ڈی ایم اے) ءِ ہلہلہ ئی حالیت آتون مون تننگ کن دمدستی گام گیج نا پارت کرینے۔ وزیراعظم این ڈی ایم اے ءِ ہر چار آصوبائی حکومت ، حکومت آزاد جموں وکشمیر و حکومت گلگت بلتستان نا کمکاری نا ہم پارت کرے۔ وزیراعظم اسلام آباد نا انتظامیہ ءِ پارت کرے کہ دیر انا کشنگ، شاری تا آسراتی کن گام گیج و حالیت آتا پدریسہ مانیٹرنگ ءِ کننگے، ادارہ غاک شریداری نا عمل اٹ گام گیج آتے پک کیر ۔ وزیراعظم پارت کرے کہ شیفکو علاقہ غاتیان مخلوق ءِ وخت آ کشنگ، و دیر انا کشنگ ءِ پک کیر، طبی عملہ، دوائی و وخت آ درمان، ویکسین نا فراوانی ءِ پک کننگے، وزیراعظم واٹر پمپ و ایلو مشینری نا فراوانی ءِ پک کننگ نا ہم پارت کرے۔
