مزن وزیر  یوتھ  بزنس  اینڈ ایگریکلچر  لون سکیم  ایس  ایم ایز    آناں کمک  پجاری  کنگ ءِ ھوالگ ءَ  ارزشتی ایں  پروگرام   ات،  سینیٹر محمد  اورنگزیب

اسلام آباد۔29جولائی (اے پی پی): بنجاھی وزیر  ھزانگ   ءُ  گپت ءُ گیر   سینیٹر محمد اورنگزیب    ءَ   مزن وزیر یوتھ   بزنس  اینڈ ایگریکلچر لون سکیم    آناں ساڑاتگ ءُ گوشتگ کہ   کسانیں  ءُ نیامی درجگ ءِ کاروبار  آناں کمک پجاری  کنگ ءِ ھوالگ ءَ  اے  یک ارزشتی ایں  پروگرام  ات۔   آئی   ءَ اے گپ  دو شمبے  ءِ  روچ ءَ   ادا پرائم  منسٹر  یوتھ پروگرام  ءِ چیئرمین  رانا   مشہود  احمد  خان ءَ گوں گند ءُ نند  ءَ  کت۔  رانا  مشہود  احمد    خان ءَ  وزیر  ءِ  ھزانگ   ءَ را پروگرام   ءِ ھوالگ ءَ  سرجمیں بریفنگ   دات ءُ گوشت  کہ  ورنا  آناں کاروبار   ءِ دیمروئی ءُ آوانان   آسانیں  تجارتی  وام  پجارینگ     ءِ ھوالگ   ءَ اے اسکیم ارزشتی   انت۔  آئیءَ گوشت کہ  سکیم ءِ چیر دستی ءَ ورنا    آناں  کم   ھرچ ءُ درچ ءَ چہ کمرشل اسلامک  ءُ ایس  ایم ای  بینک آنی وسیلگ ءَ  آسانیں  وام   دیگ بوھگ ءَ انت۔   آئی  ءَ گوشت کہ   اے سکیم ءِ چیر دستیءَ   کم  ھرچی سود ءِ سر ءَ    کمرشل اسلامک   ءُ ایس  ایم ای  بینک آنی وسیلگ ءَ  آسانی  ءَ گوں  وام  دیگ   بوھگ ءَ انت۔   گند ءُ نند ءَ  سکیم   ء   استیں   کوکا،  آپریشنل   کار    ءُ لاجسٹک    ءَ ھوار ایندگر  ارزشتی ایں    کار ھوار   کنگ  ءِ  ھوالگ ءَ تران  کنگ بوت۔  وزیر ءِ ھزانگ    ءَ سکیم    ءَ را  ساڑات ءُ گوشت  کہ کسانیں  ءُ نیامی درجگ  ءِ کاروبار  آناں   کمک  پجاری  کنگ ءِ ھوالگ ءَ اے  یک  ارزشتی ایں اسکیم ات۔  آئی ءَ گوشت کہ ملک ءِ ھواریں  اقتصادی  نمبگ ھمے رنگیں چست ءُ ایر  آنی وتی ارزشت  انت۔ گند ءُ نند ءَ ورنا   آناں  موہ   پجاری  کنگ ءُ  مھکمیں بزنس   ءِ  جوڑیشت  ءِ ھوالگ ءَ گامگیج    آنی ضلورت ءِ ھوالگ ءَ زور پر  دیگ بوت۔