126ملک آتا پوریاگر، زرکار و سیل و سواتی تے بیدس فیس آن 24 گھنٹہ نا تہہ ٹی آن لائن نظام نا رداٹ ویزہ جاری کننگک، شہباز شریف

اسلام آباد۔ 28 جولائی (اے پی پی) وزیراعظم محمد شہباز شریف پارینے کہ 126 ملک آتاپوریاگر، زرکار و سیل و سواتی تے بیدس فیس آن 24 گھنٹہ نا تہہ ٹی آن لائن نظام نا رداٹ ویزہ جاری کننگک، ویزاپالیسی ٹی نرمی نا فیصلہ غان پاکستان درملکی تیکن کاروبار و سیل و سوات نا بابت اسہ پرکشش ءُ ہند اس جوڑ مریک، ویزاپالیسی ٹی نرمی آن زرگزران سوگومریک،زرمبادلہ نا کوڑی تیٹی ودکی مریک۔ شنبے نادے آوزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف پیشن نا زرکار، کاروباری برادری و سیل و سواتی تیکن ویزہ نا دوئی کننگ ءِ آسان و سہل کننگ نا بابت پارے کہ بنجائی حکومت ملک اٹی پیشن نا زرکاری، کاروباری سرجزوسیل و سوات نا مون آ دننگ نا بابت اہم ءُ گام اس ہرفینے، بنجائی وزارت داخلہ و ایلو تعلقدار وزارت آک بھلو گام اس ہرفسا ویزہ رجیم اٹی نرمی کرینو ہراکہ اسہ بے کچ مثبت پیش رفت اسے، گلف کنٹریز کونسل ناملک آتا کاروباری شخصیت آتیکن پاکستان اٹی ویزہ فری انٹری نا منظوری ءِ تننگانے ہرانا سوب آن خلیجی ملک آتیان پاکستان اٹ زرکاری و کاروبارنا وارخواہی پین ودک۔ وزیراعظم پارے کہ 126 ملک آتا پوریاگر ، زرکار و سیل و سوات ءِ 24 گھنٹہ نا تہہ ٹی آن لائن نظام نا رداٹ ویزہ جاری کننگک، دا126 ملک آتا پوریاگر و سیل و سواتی تے ویزہ فیس آن مستثنیٰ گوندنگانے، ویزہ پالیسی ٹی نرمی نا فیصلہ غان پاکستان درملکی تیکن کاروبار و سیل و سوات نا بابت اسہ پرکشش ءُ ہند اس جوڑمریک۔ وزیراعظم پارے کہ مذہبی سیل و سوات اٹی گچینی نا بابت مسٹ میکو ملک انا پاسپورٹ تخوک آ سکھ یاتری تیکن ویزہ آن ارائیول ناآسراتی کن جتاآن غٹ۔ کیٹگری نامنظوری ءِ ہم تننگانے، کراچی ، لاہورو اسلام آباد نا بالی پٹ آتیا الیکٹرانک گیٹس ناای نظامءِ نافذ کننگ انگ ءِ۔ وزیراعظم پارے کہ ویزہ پالیسی ٹی نرمی آن زرگزران سوگو مریک، زرمبادلہ نا کوڑی تیٹی ودکی مریک، پاکستان اٹ بھاز انگا مذہب آتا مقدس ہند ساڑی ءِ و گلگت بلتستان تون اوار ملک انا ایلو قطبی علاقہ غاک سیل وسوات کن جنت ءُ۔ وزیراعظم پارے کہ پوسکن آ ویزہ رجیم آ عملدرآمد ناجاچ ءِ ہلنگ نا بابت بنجائی وزارت داخلہ ٹی اسہ ڈیش بورڈ اس ہم جوڑ کننگک ہراکہ موخرالذکر ملک آتا بابت ویزہ فری اینٹری، بزنس ویزہ لسٹ و ٹورسٹ ویزاآن لائن ارائیول نا چاروکی ءِ کیک و جاچ رپورٹ فراوان کیک، پوسکن آ ویزہ رجیم آ وزارت داخلہ، و ایلو تعلقدار وزارت و ادارہ غاتا کارکڑد ستاکڑزک۔