پِرتیٹی شکست آتیان بچنگ کن زیات احتیاط اٹ گاڈی تے چلیفر، نیشنل ہائی ویز اینڈ موٹروے پولیس

اسلام آباد۔ 28 جولائی (اے پی پی) نیشنل ہائی ویز اینڈ موٹروے پولیس روڈ صارف آتیا زور شاغانے کہ اسلام آباد، پشاور، کوٹ مومن، ڈیرہ اسماعیل خان، سوات، تھاکوٹ آ وقفہ وقفہ غان پِر انا چرجوئی برجاءِ، سفراٹی شکست آتیان بچنگ کن زیات احتیاط اٹ گاڈی تے چلیفر۔ ترجمان موٹروے پولیس نا کنڈآن جاری بیان نا رداٹ پِر انا رداٹ غٹ ٹول پلازہ موٹروے ءِ کاریم اٹ اتوک آتیکن سپیشل حوال نا چرجوئی برجاءِ۔ ترجمان پارے کہ پِر اٹی روڈ سلپ مننگ نا سو ب آن گاڈی تا  بے قابو مننگ نا گڑتی ساڑی مریک، شکست آتیان بچنگ کن پِر اٹی زیات احتیاط اٹ گاڈی تے چلیفر۔ ترجمان پارے کہ شاری تیان خواست ءِ کہ پِراٹی بے گرج سفرآن پاناد کیر، ترند رفتاری آن پاناد کیر ومون نا گاڈی آن جوان ءُ فاصلہ اس تخر۔ سفر نا بناءِ کننگ آن مست موٹروے پولیس ہیلپ لائن 130 آن معلومداری دوئی کننگ مریک۔ داکان بیدس نیشنل ہائی وے اینڈ موٹروے پولیس نا آفیشل سوشل میڈیا اکاؤنٹ آن ہم تازہ معلومداری دوئی کننگ مریک۔