بنجائی وزیر داخلہ نا چیئرمین سی ڈی اے تون رابطہ، شیفکو علاقہ غاتیٹی دِیر ءِ کشنگ نا کاریم نا چاروکی ءِ کننگ نا پارت

اسلام آباد۔ 28 جولائی (اے پی پی) بنجائی وزیر داخلہ محسن نقوی اسلام آباد اٹی طوفانی پِر تا سوب آن چیئرمین سی ڈی اے محمد علی رندھاوا تون رابطہ کرسا اودے شیفکو علاقہ غاتیٹی دیرانا کشنگ نا کاریم نا تینٹ چاروکی ءِ کننگ نا پارت کرینے۔ شنبے نادے آ سی ڈی اے نا کنڈآن جاری بیان نا رداٹ بنجائی وزیر داخلہ محسن نقوی نا پارت آ سی ڈی اے انتظامیہ و ایم سی آئی نا ٹیمک الرٹ ءُ۔ وزیرداخلہ محسن نقوی چیئرمین سی ڈی اے محمد علی رندھاواتون رابطہ کرے و شیفکو علاقہ غاتیٹی دیر انا کشنگ نا کاریم نا تینٹ چاروکی ءِ کننگ نا پارت کرینے۔ بنجائی وزیر داخلہ پارے کہ شار انا شیفکو علاقہ غاتیٹی دیر انا کشنگ نا کاریم ءِ زوت آن زوت پورو کننگے، پِر انا سوب آن برساتی نالہ و دیر انا گدرینگ اٹ دیر انا بہاؤ ءِ 24 گھنٹہ مانیٹر کننگے۔ محسن نقوی پارے کہ گرج انا رداٹ ودکی عملہ و مشینری خلنگے۔ اے ڈی سی جیز، اسسٹنٹ کمشنر ، سی ڈی اے آفیسر ، ایم سی آئی، 1122 نا ٹیمک دیرانا کشنگ کن متحرک ءُ۔