کشاری بشخ ءِ خراج نیٹ اٹ اتنگ کن کانود سازی کننگک، بنجائی وزیر خزانہ محمد اورنگزیب نا پریس کانفرنس

اسلام آباد۔ 28 جولائی (اے پی پی) بنجائی وزیر خزانہ محمد اورنگزیب پارینے کہ کشاری بشخ ءِ خراج نیٹ اٹی اتنگ کن کانود سازی کننگک، آئی ایم ایف آن نجات کن ننے تینا برآمد آتیٹی ودکی و برآمدی صنعت آتیٹی پیشن نا زرکاری نا کنڈآ ہنوئی مریک، ریٹیلر، ریئل اسٹیٹ ، بلڈرآتون اوار ایلو بشخ آتے خراج نیٹ اٹ اتنگ آن خراج تروک آتے ریلیف ملنگ کیک، توانائی تنکی نا مون ءِ توننگ کن آخبتی لائحہ عمل اس جوڑ کننگ نا گرج ءِ، خراج تفروک ملک و الس تون مخلص افس، وزیراعظم ایف بی آر اٹی اصلاحات نا تینٹ چاروکی ءِ کننگ ءِ۔ شنبے نادے آ بنجائی وزیر خزانہ محمد اورنگزیب پریس کانفرنس آن تران کرسا پارے کہ ہندی و جہانی کہول ا کروک آ گام گیج آتیان معلومدار کننگ کن پریس کانفرنس اس اڈتننگا وخت اس کہ دورہ ءِ چین نا بابت ہم معلومدار کننگ مسخت ئس، ملکی کہول آ داوخت آ خراج و ایف بی آر نا بابت گپ وتران مننگ اٹی ءِ، ننے اگہ خراج آتیٹی ودکی کروئی ءِ و اوفتے 13 درسداسکان دروئی ءِ تو ننے آسراتی تے ہم ہروئی مریک، سیلز خراج، آئی ٹی، انکم خراج، ریفنڈ و ڈیوٹی ڈرابیگز یکم جولائی آن تننگ نابناءِ کرینے ، داٹی تاخیر ایشو مسنے، 68 ارب روپئی داتم اسکان ریفنڈ کننگانے ، داصنعت آتیکن اہم ءِ۔ اوپارےکہ ریفنڈ ایڈمنسٹریشن نا پوسکن آمیکنزم نا بابت ہم کاریم مننگ ءِ، پوریاگر دوست اسکیم اس درستی راستی کرفنگانے، پوریاگرآتا منت واری ءِ ہرفنہ کہ خراج نیٹ انا ودکی اتون تفنگ ءُ۔ اوپارے کہ ای تنخواہ دار تپہ غان تعلق نا سوب آں اوفتے تون ہمدردی تخیوہ، وزارت نا منصب ءِ سنبھالنگ آن مست ای ہم ہندا تپہ غان تعلق تخاٹہ، خراج نیٹ اٹ ودکی کن ریٹیلرو ریئل اسٹیٹ ، ڈویلپرو بلڈرآتیا خراج خلنگانے۔ اوپارے کہ صوبائی وزیراعلیٰ تا منت وار اُن کہ او کشاری بشخ ءِ خراج نیٹ اٹ اتنگ کن کانود سازی کیرہ، دا غٹ گام گیج آک سہی سمت اکن ءُ۔ اوپارے کہ ہرا بشخ آن پیشن ءُ اگہ اوفتے خراج نیٹ اٹ اتنگپک تو حالیت ہنداوڑ چلینگساکیک۔ اوایف بی آر اٹی اصلاحات نا بابت پارے کہ وزیراعظم تینٹ دانا چاروکی ءِ کننگ اٹی ءِ و ہرہفتہ دا بابت جاچ دیوان اس اڈتننگ انگ ءِ ، ڈیجیٹائزیشن نا سوب آن تدوک آ اِراتُو اٹی 49 لکھ نان فائلر نا پیدواری مسنے ہرافتے تون میرات ساڑی ءِ او گاڈی تخرہ، پیشن نا ملک سفر کیرہ ولے فائلر افس۔ اوفتے نوٹس جاری کننگانے، ڈیجیٹائزیشن نا سوب آن کرپشن اٹی کمتی مریک۔ اوپارے کہ داعمل آن 600 ارب روپئی جعلی خراج نا پیدواری مس ہرافتیان بیرہ اسہ ارب روپئی نا ریکوری مس۔ داکان بیدس کسٹم خراج 50 آن 200 ارب روپئی نا انڈرانواسنگ مون آ بس۔ اوپارے کہ چین ءِ ری پروفائلنگ نا سلاہ تسونن، 9 سی پیک و اسہ ٹرانسمیشن نا ڈٹ اسے آ سینٹرل بینک چائنہ تون اواری اٹ اسٹ اسٹ کرسا کاریم کننگک، نن ہموڑے چینی لوکل ایڈوائزر نا تعیناتی نا ہیت ءِ کرینن، ٹیرف تون اوار اوار سٹرکچرل ویل آتاہم مون تروک ءِ، ننے داہڑتوم آتے اوار اوار ہر فسا مون آ ہنوئی ءِ تانکہ دمدستی وڑنا ویل آک ایسر مریر، سٹرکچرل گام گیج کننگتو تو بروک آ سال ہم نن ہندا ویل آتے ہرفسا تولوک مرون، ہنداوڑ زرگزران ءِ داویل آتیان خلاصی ملنگ کیک۔ اسہ سوج اسے نا ورندی ٹی اوپارے کہ آئی پی پیز نا معاہدہ غاتا وقار نا سوب آن اوفتے پورو گوجالنگ کپنہ، کروڑآ کاروبار آ 100 روپئی آن50 ہزار روپئی اسکان پوریاگردوست خراج اسکیم اتنگ انگ ءِ، داٹی پوریاگر آتون بایدے تفنگے ، نن ویل آتا مو ن ءِ توننگ کن دے و نن خواری کننگ اُن۔ اوپارے کہ وزیر توانائی پارے کہ بجلی نا بشخوک آ کمپنی تا بورڈ آتیٹی بدلی اتنگے تانکہ حکومتی و سیاسی وڑاٹ تعینات مخلوق ءِ کشسا نجی بشخ آتیان مخلوق ءِ اتنگے، ہراڑآ پاننگاکہ دامننگ کپک، داڑآ کہی تُو لگا، نن صدارتی آرڈیننس ایسن تو اسلام آباد ہائی کورٹ داڑآ حکم امتناعی تس، اوکان پد اودے پارلیمنٹ آ دننگا و داکانود جوڑمس، داسہ اِرادے مست دا بورڈ ءِ ٹہیفنگا۔ رائٹ سائزنگ آن اگہ 20 آن 25 درسد کمتی بتو تو اونا ہچ ءُ فائدہ اس اف، پی ڈبلیو ڈی نا محکمہ نا چٹفنگ نا مسخت ارب آ روپئی نا ڈٹ آتیٹی مروک آ کرپشن ءِ توننگ ءِ۔ اگہ دا پیسہ غاک ڈٹ آتیا لگارہ تو وزارت آتا ماڑی تا ہرا حال ءِ دامتوکہ۔ اوپارے کہ آئی ٹی سیکٹر و موبائل مینو فیکچرنگ نا بشخ اٹی کم ویجز نا سوب آن داڑے اونا صنعت خلسا اونا برآمد ات داسہ بھلو مینو فیکچرآتابیوسی جوڑ مسنے۔