نواز شریف ءِ مار آن آن تنخواہ ہلپننگ نا ڈوہ اٹی منصب آن اینک کرسا پابند سلاسل کننگاسس، سینیٹر عرفان صدیقی

اسلام آباد۔ 28 جولائی (اے پی پی) سینیٹ اٹی پاکستان مسلم لیگ (ن) نا پارلیمانی پارٹی لیڈر و خارجہ امور کمیٹی نا سروک سینیٹر عرفان صدیقی پارے کہ محمد نواز شریف ءِ مار آن تنخواہ ہلپننگ نا ڈوہ اٹی وزیراعظم نا منصب آن اینک کرسا زندان آ گدریفنگاسس  ہمووخت آ شونداری نا کچ 6.3 و کبینی 3 درسد ئس۔ شنبے نادے آ ایکس آ تینا ٹویٹ اٹی اوپارے کہ ہفت سال مست 28 جولائی 2017آ اِرا تہائی گیشتری تخوک آ گچین مروک وزیراعظم محمد نواز شریف ءِ مار آن تنخواہ ہلپننگ نا ڈوہ اٹی منصب آن اینک کرسا زندان آ گدریفنگاسس۔ ہموتم شونداری نا کچ 6.3 و کبینی 3 درسد ئس، لوڈشیڈنگ چٹاسس، دہشت گردی نا کاٹم ءِ شیرفنگاسس، آئی ایم ایف ءِ سپاروکنگاسس، سی پیک نا دروشم اٹ 60 ارب ڈالر نا زرکاری بسکہ، غٹ جہانی ادارہ غاک پاکستان نا شاندار زرگزرانی آخبت نا مستائی ءِ تسرہ۔ اوپارے کہ پاکستان جہانی برادری ٹی کاٹم ءِ بڑزاکرساسلوک ئس ، بیست ءُ پنچ کروڑ الس پدریسہ اوناسزاءِ کُننگ ءُ۔