اسلام آباد۔ 28 جولائی (اے پی پی) صدر مملکت آصف علی زرداری پارینے کہ زڑدوئی جہانی کہول آ اسہ بھاز بھلو چیلنج اسے زڑدوئی آن ننا ملک اٹی جان جوڑی ءِ بھاز خطرہ مون تروک ءِ ، زڑدوئی آن بچنگ ، سکریننگ و درمان نا اہمیت نا بارواٹی آگاہی ودی کروئی مریک، زڑدوئی آن بچنگ و اونا چٹفنگ کن اجتماعی کوشست آتا گرج ءِ۔ شنبے نادے آ ایوان صدر پریس ونگ آن جاری بیان نا رداٹ صدر مملکت آصف علی زرداری زڑدوئی نا جہانی دے آ کلہو اٹی پارے کہ زڑدوئی جہانی کہول آ اسہ بھاز بھلو چیلنج اسے ، زڑدوئی اسہ چپ ءُ قاتل اسے انتئے کہ دانا نشانی ظاہر مفننگ آن اونا تالانی نا خطر ہ ودک، زڑدوئی آن جہانی کہول آ ہر سال بھلو کچ اسے ٹی مرک واقع مریک۔ صدر مملکت پارے کہ زڑدوئی آن ننا ملک اٹی دراخ جوڑی ءِ بھازخطرہ مون تروک ءِ ، پاکستان اٹ زڑدوئی نا مریض آتا بھلو کچ اسے نا سوب آن ننا جان جوڑی نا نظام آ بھاریم تمک، جان جوڑی نا دا ویل اتون مون تننگ کن بھلو کچ اسے آ سکریننگ و وخت آ تشخیص نا گرج ءِ۔ صدر مملکت پار ے کہ سکریننگ و وخت آ تشخیص آن پاکستان نا دراخ جوڑی نا نظام آ بھاریم کم مریک، وخت آ گام گیج کپننگ آن پاکستان اٹ زڑدوئی نا کیس آتا کچ اٹی ودکی مننگ کیک، ننے الس نا جان جوڑی نا رکھ اکن فیصلہ کن گام گیج آتا گرج ءِ۔ صدر مملکت پارے کہ مچ آ ملک اٹی رکھی گام گیج آتے مون آ دننگ، سکریننگ ، ٹیسٹنگ و درمان نا آسراتی تے ودفنگ کن گام گیج کروئی مریک، زڑدوئی آن بچنگ، سکریننگ و درمان نا اہمیت نا بارواٹی آگاہی ودی کروئی مریک، زڑدوئی آن بچنگ و اونا چٹفنگ کن اجتماعی کوشست آتا گرج ءِ۔ صدر مملکت پارے کہ میڈیا، تعلیمی ادارہ، استاد و سول سوسائٹی ءِ زڑدوئی نا بارواٹی مخلوق ءِ آگاہی تروئی مریک، ببو اواری اٹ زڑدوئی آن پاک پاکستان اس جوڑ کننگ کن کاریم کین۔
