راولپنڈی۔ 28 جولائی (اے پی پی) حکومتی ٹیم و جماعت اسلامی نا نیام اٹ مذاکرات بناکرے۔ حکومتی مذاکراتی ٹیم اٹی بنجائی وزیر حوالکاری عطاء اللہ تارڑ ، بنجائی وزیر امور کشمیر انجینئر امیر مقام، مسلم لیگ (ن) نا سینئر راہشون طارق فضل چوہدری، وزیراعظم نا میڈیاکوآرڈی نیٹر بدرشہباز اوار ءُ وخت اس کہ جماعت اسلامی نا ڈل انا کماشی ءِ لیاقت بلوچ کننگ اٹی ءِ۔ داکان مست شنبے آ کمشنر آفس راولپنڈی بننگ نا وخت آ میڈیا تون گپ وتران کرسا بنجائی وزیر حوالکاری عطاء اللہ تارڑ پارے کہ جماعت اسلامی نا راہشون آتون مذاکرات آن پد غٹ گڑاتیان معلومدار کننگک، ننا کنڈآن مذاکراتی ٹیم اٹی ہچ ءُ بدلی اس کننگتنے، اویس لغاری ملک اٹی ساڑی اف، او چین آ ہنانے۔ اوپارے کہ جماعت اسلامی نا راہشون آتون اواری اٹ تولسا ہیت کینہ، جماعت اسلامی نا بجلی تون تعلقدار باندات آک ءُ، اوفتا گڑتی تے مر کننگک۔ اوپارے کہ 200 یونٹ اسکان کاریم اٹ اتوک آ بجلی نا صارف آتے مہالو آن 50 ارب روپئی نا سبسڈی تننگانے، حکومت سولر پروجیکٹ آتا ہم بناءِ کننگ ءِ، ڈیزل و تیل آ چلینگوک آ پلانٹ آتے بند کننگک، سولر ٹیوب ویل خلنگ آن بجلی نا کھپت اٹی کمتی مریک ، دا گام گیج آتا مسخت اڑزآن و آب اٹ بجلی ودی کرسا بجلی نا نہاد آتے کم کننگ ءِ۔
