اسلام آباد۔ 27 جولائی (اے پی پی) بنجائی وزیر امور کشمیر، سیفران انجینئر امیر مقام پارینے کہ پی ٹی آئی نا حق اٹی امریکی قرارداد آن پد پاکستان و چین نا برخلاف امریکی سینیٹ اٹی بل پیش مننگ عقل والاتیکن کلہو اسے۔ ہفتہ نادے آ داڑے جاری بیان نا رداٹ امیر مقام پارے کہ پک مسنے کہ پی ٹی آئی درملکی ایجنڈاکن کاریم کننگ اٹی ءِ۔ اوپارے کہ درملکی لابیز پی ٹی آئی کن پیشن نا ملک و پیشن نا لابی تیکن پی ٹی آئی پاکستان اٹی کاریم کننگ اٹی ءِ، چینی صدر نا دورہ ءِ پاکستان نا وخت آ ڈی چوک آ دھرنا سازش انت اکن مسوسس؟ ورندی ملانے۔ اوپارے کہ پی ٹی آئی ءِ فارن فنڈنگ انت اکن مس، اونا ورندی ہم ملانے۔
