فیصل آباد۔ 27جولائی (اے پی پی) پاکستان مسلم لیگ (ن) نا قائد و مسکوہی وزیراعظم محمد نواز شریف فیصل آباد آ بس، سینئر صوبائی وزیر مریم اورنگزیب ہم اوڑتون اوار ئسک۔ سرجم حوال آتا رداٹ مسکوہی وزیراعظم میاں محمد نواز شریف ہفتہ نادے آ گونڈ ءُ دورہ سے آ فیصل آباد آ سرمس ہراڑے او چک نمبر 40 ج ب جھنگ روڈ اٹی تینا متکن آ سنگت رائے ارشد خان ہراکہ منہ وخت مست کزیت کریسس اونا اُراغا ہنا و اونا خاہوت تون اونا کزیت آ ہڑزخواہی و ہمدردی نا درشانی ءِ کرے۔ او ایماندار نا بخشش و اونا درجہ غاتا بڑزی و خاہوت کن صبر وجمیل نا دعاکرے۔ اونا پاننگ ئس کہ رائے ارشد خان اسہ جوان ءُ انسان و ذہین ءُ سیاستدان و بھاز باپت ءُ سنگت اس ئس اونا کمتی ءِ لوز آتیٹی بیان کننگ مفک۔ داوخت آ سیکورٹی نا سخت بست وبند کننگاسس۔
