اسلام آباد۔ 27 جولائی (اے پی پی) وزیراعظم محمد شہباز شریف پاکستان نا اولیکو نشان ءِ حیدر ہلوک آ کیپٹن محمد سرور شہید ءِ خراج عقیدت پیش کرساپارینے کہ اونا شہیدی نادے مچ آ قوم ءِ تینا شہیدآتا بے مٹ قربانی تا یات ترفک، پاکستانی قوم ملکی دفاع کن پاکستان نا فوج انا قربانی تے اسُل است آن دپک۔ ہفتہ نادے آ وزیراعظم آفس نا میڈیا ونگ آن جاری پریس ریلیز نارداٹ کیپٹن سرور شہید نا 76 می یوم شہیدی آ تینا کلہو اٹی اوپارے کہ کیپٹن محمد سرور شہید 1948 نا جنگ اٹی جیرت و بہادری نا مثال اس قائم کرسا شہیدی نا جام ءِ نوش کرے، کیپٹن محمد سرور شہیدتینا دھرتی نا رکھ ءِ تینا جون آ فوقیت ترسا بروک آ چین تیکن لمہ وطن تون وفا نا بے مٹ ءُ درور اس قائم کرے۔ وزیراعظم پارے کہ کیپٹن محمد سرور شہید نشان ءِ حیدر نا یوم شہیدی مچ آ قوم ءِ تینا شہیدآتا بے مٹ قربانی تا یات ترفک، پاکستانی قوم ملکی دفاع کن پاکستان نا فوج انا قربانی تے اسُل است آن دپک۔ وزیراعظم پارے کہ پاکستان نا فوج انا آفیسر و ورناک ملک انا دفاع کن عظیم قربانی ترسا بسنو و تننگ اٹی ءُ، کنتون اوار مچ آ قوم ءِ پاک فوج انا شہید و اوفتا خاہوت آ گمر ءِ۔ وزیراعظم پارے کہ مچ آ قوم ملکی دفاع نا خاطر تینا جون تے دلدست آ تخسا تینافرض ءِ سرترسا پاکستان نا فوج انا آفیسر و ورناتتون ہم کوپہ سلوک ءُ۔
