اسلام آباد۔ 27 جولائی (اے پی پی) نائب وزیراعظم و وزیرخارجہ سینیٹر محمد اسحاق ڈار ہفتہ نادے آ سعودی عرب نا سفیر نواف المالکی تون اوڑدہی کرے، ہراٹی پاکستان و سعودی عرب نا نیام اٹ مثبت برادرانہ تعلقداری آ گپ وتران کننگا۔ دفترخارجہ غان جاری بیان نا رداٹ ہڑتوم آ راہشون تا نیام اٹ اوڑدہی ٹی تعلیم، واپار و زرکاری تون اوار چندی بشخ آتیٹی کمکاری ءِ ودفنگ آ ہم گپ وتران کننگا۔ دیوان اٹی ساڑی سیکرٹری تعلیم اسلام آباد اٹی مسن تا تعلیم آ مسلم ملک آتا بروک آ کانفرنس نا بارواٹی حوال تس۔ اوڑدہی نا ایسر آ ہڑتوم آ ایلم ملک آتا نیام اٹ تین پہ تینی تعلقداری تے سوگو کننگ نا عزم انا درشانی اتون مس۔
