اسلام آباد۔26جولائی (اے پی پی): بنجاھی وزیر صنعت ءُ پیداوار رانا تنویر حسین ءَ پاکستان چائنا انسٹی ٹیوٹ، چائنا چیمبر آف کامرس ان پاکستان ءُ پاور چائنا ءِ شریکداری ءَ گوں پاکستان ءُ چین ءِ ھاسیں اقتصادی زون آنی پالیشی آناں یک کنگ ءِ بن گپ ءَ چہ یک رپوٹ ءِ جاڑی کنگ بوت۔ اے رپوٹ ءِ مول ءُمرادم ھاسیں اقتصادی زون (ایس ای زیز) ءِ وسیلگ ءَ پاکستان ءُ چین ءِ نیام ء اقتصادی ءُ صنعتی کمک آناں ودینگ ءِ واستہ یک سٹریٹجک فریم ورک ءِ پجاری کنگ بوتگ۔ اسلام آباد ءَ برجم بوھوکیں لانچنگ مراگش ءَ ارزشتی ایں اسٹیک ہولڈرز ءُ کلانہ آں بھر زوری کت آواں اے گامگیج آنی ارزشت ءُ پاکستان ءِ معاشی جاور ھال آنی استیں بوھوکیں رند پد آئی بابت ءَ تران کنگ بوت۔ مراگش ءِ مہمان بنجاھی وزیر رانا تنویر حسین ءَ ارزشتی ایں گشتانک دات ءُ گوشت کہ چین ءُ پاکستان بے دروریں دوستیں ملک انت آئی ءَ یک شلی ءَ در ملکی سرمایہ کاری ایف ڈی آئی ءِ نیمگ ءَ دلگوشی ءُ صنعت کاری ءَ را دیمروئی دیگ ءَ ایس ای زیز آنی ارزشت ءِ ھوالگ ءَ زور پر دات۔
