اسلام آباد۔26جولائی (اے پی پی): بنجاھی وزیر وزیر صنعت ءُ پیداوار رانا تنویر حسین ءَ گوں صدر ایف پی سی سی آئی عاطف اکرام شیخ ءِ سروکی ءَ ڈذل ءَ گند ءُ نند کت۔ صدر ایف پی سی سی آئی عاطف اکرام شیخ ءَ گوشتگ کہ ملک ءَ ھاٹیگ ءِ گیش نیاد آنی سبب ءَ انڈسٹریز بند، معیشت ءِ سر ءَ ھرابیں رند پد نکش بوھگ ءَ انت، ھاٹیگ ءِ نیام آناں دمگی ملک آنی کچ ءَ آرگ لوٹ ائیت، ملکی برآمدات آنی تہءَ گیشی ءِ واستہ انڈسٹریلائزیشن ءِ نیمگ ءَ برگ لوٹ ائیت۔ صدر ایف پی سی سی آئی ءَ گوشتگ کہ حکومت توان ٹیرف ءَ ریلیف جاری بکنت گڈا بزس کمیونٹی ایکسپورٹ ءِ 60 ارب ڈالر ءِ سیم سر آناں در جت کنت۔ گند ءُ نند ءَ بنجاھی و زیر رانا تنویر حسین ءَ نزنس کمیونٹی ءِ جیڈھ آنی گیوار کنگ ءِ دل یکیمی دات ءُ گوشت کہ حخومت الس ءُ تاجر آناں ریلیف دیگ ءِ گیشاں چہ گیش کوشست کنگ ءَ انت ءُ سر مایہ کاری ءِ واستہ ھاسیں اقتصادی زون آناں جوڑ کنگ ءَ انت۔ رانا تنویر حسین ءَ گوشتک کہ حکومت انڈسٹری ءِ استیں جیڈھ آناں گیوار کنگ ءِ کوشست ءَ کنگ ءَ انت، برآمدات آناں ودینگ ءَ چہ معاشی دیمروئی در جنگ بوت کنت۔
