لاہور۔ 26جولائی (اے پی پی) سینئر وزیر پنجاب مریم اورنگزیب پی ٹی آئی نا بین ہڑتال ءِ ’’ڈائٹ پلان ‘‘ اس گوندا۔ جمعہ نادے آ جاری بیان اٹی او پارے کہ پیشیم نا سہ بجہ غا بناکروک آ بین ہڑتال شام انا ہفت بجہ اسکان ایسر مروک آ ’’ڈائٹ پلان‘‘ ءِ، پیشیم نا اِرغ ءِ کُنسا شام انا اِرغ آن مست چٹوک آ بین ہڑتال ڈھونگ و مذاق اسے ۔ اوپارے کہ 9 مئی نا مجرم کن چار گھنٹہ نا ’’ڈائٹ پلان‘‘ ءِ ہی فالو کننگ مریک، ملک ءِ کبینی، الس ءِ بینگن کروک آ ڑکن چار گھنٹہ نا ہی بین ہڑتال نا مسخرہ ءِ کننگ مریک۔ اوپارے کہ قومی تنصیب، شہید آتا بے حرمتی، قائد اعظم نااُراءِ خاخر تننگ، پولیس و رینجرآتا کاٹم ءِ اَرنگ نااعتراف ءِ کروک آ سزا نا حقدا رءِ، چارگھنٹہ بین ہڑتال نا حقدار اف۔
