اسلام آباد۔ 26 جولائی (اے پی پی) بنجائی وزیر صنعت وپیدوار رانا تنویرحسین پارینے کہ حکومت زرکاری کن خصوصی اقتصادی زون جوڑ کننگ اٹی ءِ، حکومت الس وپوریاگرآتے ریلیف تننگ کن پبی کوشست کننگ اٹی ءِ۔ داخیال آتا درشانی ءِ جمعہ نادے آ ایف پی سی سی آئی نا صدر عاطف اکرام شیخ نا کماشی ٹی ڈل اتون اوڑدہی ٹی کرے۔ اوپارے کہ حکومت انڈسٹری ءِ مون تروک ویل آتے ایسر کننگ کن کوشست کننگ اٹی ءِ، حکومت الس وپوریاگرآتے ریلیف تننگ کن پبی کوشست کننگ اٹی ءِ۔ اوپارے کہ حکومت زرکاری کن خصوصی اقتصادی زون جوڑ کننگ اٹی ءِ۔ اوڑدہی ٹی ایف پی سی سی آئی ڈل کبین بجلی و آئی پی پیز آتیان ناروا معاہدہ غاتا باندات ء ِ ہرفے۔ داوخت آ عاطف اکرام شیخ پارے کہ ملک اٹی توانائی نا زیات نہاد آتا سوب آن انڈسٹریز بند، زرگزران بھس مننگ اٹی ءِ، توانائی نا نہاد آتے علاقائی ملک آتا بریبر اتوئی مریک۔ اوپارے کہ آئی ایم ایف آن نجات و ملکی برآمد آتیٹی ودکی کن انڈسٹریلائزیشن نا کنڈآ ہنوئی مریک، حکومت بجلی ٹیرف اٹی ریلیف فراوان کے تو بزنس کمیونٹی ایکسپورٹ نا 60 ارب ڈالر نا ہدف دوئی کننگ کیک۔ بنجائی وزیر رانا تنویر حسین ڈل ءِ بزنس کمیونٹی نا ویل آتے ایسر کننگ نا باوری کرفے۔
