اسلام آباد۔ 26 جولائی (اے پی پی) چیئرمین سینیٹ سید یوسف رضاگیلانی ضلع ہوشاب اٹی سیکورٹی فورس آتیا دہشت گرد جلہو نا مذمت ءِ کرینے۔ سینیٹ سیکرٹریٹ آن جاری بیان نا رداٹ چیئرمین سینیٹ دہشت گرد آتا لغور جلہو ءِ بے سہب کننگ آ سیکورٹی فورس آتے خراج تحسین پیش کرینے و شہید مروک آ سی ٹی ڈی نا نرزور کارندہ ابرار ءِ خراج عقیدت پیش کرسا پارینے کہ شہید ابرار کون آ بہادر گلزادہ وطن نا مان ءُ۔ وطن نا دفاع ءِ پک کننگ آ شہید آتا عظیم قربانی تے مدام یات تخنگک۔ چیئرمین سینیٹ شہید آتا خاہوت آتون ہڑزخواہی و ہمدردی نا درشانی ءِ کرے۔ اوپارے کہ ڈکھیائی نا داساہت اٹی شہید آتا خاہوت آتا غم اٹی بریبر نا شریک اُٹ۔ سید یوسف رضاگیلانی پارے کہ دہشت گرد آتے اسُل اوفتا ناپاک عزم اٹی سرسہب مننگ کن الیپنہ۔ مچ آقوم دہشت گردی نا چٹفنگ کن تینا سیکورٹی ادارہ غاتون ہم کوپہ سلوک ءِ۔ دعاءِ کہ اللہ تعالیٰ شہید انا درجہ غاتے بڑز و خاہوت ءِ صبر وجمیل عطاکے۔
