اسلام آباد۔25جولائی (اے پی پی): مزن وزیر محمد شہباز شریف ءَ ورناہ آناں روزگارءِ یک وڑیں موہ دئیگءِ حوالگءَ محکمیں رابھندے جوڑ کنگءِ پنتءُ شون کتگ ءُ گشتگ کہ پاکستانءِ ورناہ مئے میراث اَنت، ملکی دیمروئی ورناہ آنی پلاحءُ گہبودءَ چہ بوت کنت، ورناہ آناں روزگارءِ یک وڑیں موہ دئیگ مئے اولی دلگوشی ایں۔ پنچ شمبےءِ روچءَ مزن وزیر کارگسءِ میڈیا ونگ ءَ چہ شنگ بوتگیں بیان ءِ ردءَ مزن وزیر ءِ سروکی ءَ پرائم منسٹر یوتھ پروگرام ءِ حوالگءَ دیوان بوتگ۔ اے موہ ءَ ھیالءُ لیکہءِ درشانی کتگءُ مزن وزیرءَ گشتگ کہ ورناہ پاکستان ءِ میراث آںءُ ملکی دیمروئی چہ آیانی پلاحءُ گہبود ءَ گوں بندوک ایں، پاکستانی ورناہ آنی تہا بے مٹیں ٹیلنٹ اَست۔ مزن وزیر ءَ گشتگ کہ نیشنل ووکیشنل اینڈ ٹیکنیکل ٹریننگ کمیشن ءِ درائیں تربیتی پروگرام آنی مولءُ مراد روزگار ءِ دئیگ بہ بیت، جاب مارکیٹ ءِ سروے کنائینگ ءُ آئی ءِردءِ سکل ٹریننگ بندات کنگ بہ بیت۔ دیوان ءَ را پی ایم یوتھ پروگرا م ءِ حوالگءَ بریفنگ ءِ تہا حال دئیگ بوتگ کہ پی ایم لیپ ٹاپ سکیم ءِ ردءَ تاں انوں 6 لکھ لیپ ٹاپ دئیگ بوتگ اَنت، اے سال ورناہ آناں میرٹ ءِ سرءَ یک لکھ لیپ ٹاپ دئیگ بنت، گوستگیں سئے سالاں یوتھ سکلز ڈویلپمنٹ پروگرام ءِ ردءَ تربیت زوروکانی تہ ءَ 64 درسد ءَ را روزگار رستگ۔ شونست ءِ تہا حال دئیگ بوتگ کہ پی ایم نیشنل انوویشن ایوارڈ ءِ ردءَ 100 سٹارٹ اپس ءَ را فنڈ دیئگ بوتگ۔ پی ایم یوتھ سپورٹس لیگ ءِ ردءَ 10 میاں اوستمانی معیار ءِ سپورٹس اکیڈمیز ءُ یک بائیو مکینیکل لیبارٹری اے سالء َ کارءَ بندات کنت۔ بریفنگءِ تہا حال دئیگ بوتگ کہ پرائم منسٹر گرین یوتھ پروگرام ءِ ردءَ ورناہ آناں ماحولیاتی مٹءُ بدلیءَ چہ رکینگءُ ایکو۔ انوویشن ءِ حوالگءَ چہ تربیت دیئگ بوہگءَ ایں ، اے حوالگءَ سرجمیں ملکءِ 268 وانگ جاہ آنی سرءَ دلگوشی کنگ بیت، نیشنل یوتھ ایمپلائمنٹ پالیسی 2024 ءِ تیاری گڑی بہرءِ تہا ایں۔ بریفنگ ءِ تہا حال دئیگ بوتگ کہ پالیسی ءِ مولءُ مراد ورناہ آناں روزگار دئیگ ءِ موہ ودی کنگءُ ورک فورس ءِ زالبولانی شرح ءِ تہا گیشی بیت، پی ایم ڈیجیٹل حب کہ یک ون ونڈو آپریشن ڈیش بورڈے بیت کہ جوڑ کنگ بوہگءَ ایں۔ دیوان ءَ اقتصادی پڑءِ بنجاہی وزیر چیمہ، ھال ءُ اھیوال کاری ءُ شنگکاری ءِ بنجاہی وزیر عطااللہ تارڑ، انفارمیشن ٹیکنالوجی و ٹیلی کام ءِ ملکی وزیرشزا فاطمہ، چیئر مین پی ایم یوتھ پروگرام رانا مشہود، مزن وزیر ءِ کوآرڈینیٹر رانا احسان افضل ءُ ہمگرنچیں پڑءِ مزنیں سرکاری افسر ہوار بوتگ اَنت۔
