اسلام آباد۔ 25 جولائی (اے پی پی) پاکستان پوسٹ علامہ اقبال اوپن یونیورسٹی نا گولڈن جوبلی نا وخت آ یات گاری ڈاک ٹکٹ اس جاری کرے۔ دا چرجوئی ٹی علامہ اقبال اوپن یونیورسٹی ٹی اسہ شاندار دود اس اڈتننگا۔ پاکستان پوسٹ و یونیورسٹی انتظامیہ گولڈن جوبلی نا وخت آ یات گاری ڈاک ٹکٹ اسے نا رونمائی ءِ کریر۔ دود انا مہمان خاص بنجائی وزیر صنعت و پیدوار رانا تنویرحسین و پاکستان پوسٹ انا ڈائریکٹر جنرل سمیع اللہ خان ئسک ئسر۔ دااہم مزل ءِ خصوصی ڈاک ٹکٹ آتا جاری کننگ تون اڈتننگا ہرا آب اٹ تعلیم فراوان کننگ و راج آ اونا اثرآتیکن علامہ اقبال اوپن یونیورسٹی نا لگن نا نشانی ءِ۔ تینا تران اٹی رانا تنویرحسین پاکستان اٹ تعلیم نا بشخ اٹی علامہ اقبال اوپن یونیورسٹی نا نمان خذمت آتا ستاءِ کرے۔ اوقوم اناآخبت نا ٹہیفنگ اٹ تعلیمی ادارہ غاتا کوشست آتا اعتراف ءِ کننگ کن اسہ اہم ءُ مزل اسے نا اہمیت آ زور شاغا وپارے کہ علامہ اقبال اوپن یونیورسٹی غٹ اکن رسینگ نا قابل تعلیم ءِ مون آ دننگ اٹ اسہ اہم ءُ کڑد اس اداکرینے و دایات گاری ڈاک ٹکٹ علامہ اقبال اوپن یونیورسٹی نا گولڈن جوبلی نا وخت آپاکستان پوسٹ نا کنڈآن جاری کننگ انگ ءِ ہراڑآ پاکستان پوسٹ اناانتظامیہ نا دا گام ستاکڑزک۔
