اسلام آباد۔ 25 جولائی (اے پی پی) بنجائی وزیر ڈٹ بندی، شونداری و اصلاحات و خصوصی گام گیج پروفیسر احسن اقبال پارینے کہ چائلڈ ڈویلپمنٹ کن سینٹر آف ایکسی لینس نا جوڑ کننگ اسہ بھلو سرسہبی اسے، جہانی ریسرچ نا رداٹ بنائی سال چناتا نشوونما کن اہم مریک۔ داخیال آتا درشانی ءِ او پنچ شنبے نادے آ علامہ اقبال اوپن یونیورسٹی اسلام آباد اٹی سینٹر آف ایکسی لینس نا بنائی دود آن بطور مہمان خاص تران کرساکرے۔ اوپارے کہ سینٹر آف ایکسی لینس نا جوڑ کننگ بنائی بنائی بچپن نا نشوونماکن جوڑ کننگانے، بچپن نا نشوونما قوم انا آخبت نا بنداوءِ۔ احسن اقبال پارے کہ جہانی ریسرچ نا رداٹ بنائی سال چناتا نشوونما کن اہم مریک، ورلڈ بینک انا رداٹ، 250 ملین چنانیزگاری و تعلیم نا کمتی آن زہمی ءُ۔ بنجائی وزیر پارے کہ دا مرکز پٹ وپول، تربیت، و گچین وڑوڈول آتے مون آدیک۔ دا سینٹر نا کمک اٹ استاد، پولکاروپالیسی ساز تخلیقی ، کسبی و تزویراتی حکمت عملی تیا کمک کیرہ۔ احسن اقبال پارے کہ پاکستان اٹ 22 ملین چنااسکول آتیان پیشن ءُ ، دا مرکز چناتا تعلیم اٹ انصاف اٹ بناءِ پک کیک، آب اٹ بنائی تعلیم تخلیقی لائخی و تنقیدی سوچ ءِ مون آدیک ۔ بنجائی وزیرپارے کہ علامہ اقبال اوپن یونیورسٹی مدام آب اٹ تعلیم فراوان کننگ اٹ غٹ آن مون آ مسنے۔
