اسلام آباد۔24جولائی (اے پی پی): بنجاھی کابینہ ءَ فرینکفرٹ ءَ پاکستانی قونصلیٹ ءِ سر ءَ ارش ءُ پاکستانی بیرک ءِ بے شرپ کنگ ءَ را مذمت کتگ وھدیکہ کودکیں فلسطینی آنی گوما یکوئی ءِ درشان ءَ کنان ءَ اسرائیلی زوراکی ءَ را مذمت ءِ واستہ منوگری آناں منظوری داتگ، ملک ءَ کاروباری چست ءُ ایر، سرمایہ کاری ءُ سیل ءُ سواد ءِ دیمروئیءِ واستہ 126 ملک آنی واستہ آن لائن ویزا ایپلی کیشن سسٹم ءَ را برجا کنگ ءِ منظوری ھم داتگ ایشی ءَ چہ اے ملک آنی سٹیزن بیست ءُ چار کلاک آںی ادر ءَ بزنس ءُ ٹورسٹ ویزہ در جت کناں۔ مزن وزیرکارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ بنجاھی کابینہ ءِ دیوان چار شمبے ءَ ادا برجم بوت۔ دیوان ءَ گوں تران کنان ءَ مزن وزیر ءَ گوشت کہ فسطین ءَ جاڑیگیں اسرائیل ءِ استیں زوراکی کاروائی آنی تاریخ ءُ راجدپتر ءَ درور نہ رسیت۔ آئی ءَ گوشت کہ غزہ ءُ فسطین ءِ ایندگر کودکیں زھگ ءُ زالبول آں ھوار ھمک سٹیزن اسرائیلی زوراکی ءِنشانگ جوڑ بوھگ ءَ انت۔ آئیءَ گوشت کہ آستانہ ءَ بوھوکیں شنگھائی کمکی گل ءُ شنگھائی کمکی گل پلس ءِ کانفرنس آنیساتھ ءَ فلطین ءِ کودکیں الس آنی واستہ گیشاں چہ گیش گوانک چست کنگ بوتگ۔ مزن وزیر ءَ فلسطین ءِ جیڈھ ءِ گیواری ءِ واستہ یونائیٹڈ نیشن ءِ منوگری آنی سر ءَ چمشانک دات۔ مزن وزیر ءُ کابینہ ءِ باسک آں فرینکفرٹ، جرمنی ءَ پاکستانی قونصلیٹ ءِ سر ءَ بوھوکیں ارش ءُپاکستانی بیرک ءِ بے شرپ کنگ ءَ را سک باز مذمت کت۔ مزن وزیر ءَ گوشت کہ اے واکیہ ءَ گوں دست مانجنیں مردم آنی ھلاپ ءَ کاروائی بہ بیت۔ مزن وزیر ءَ ناشرکاری ءِ استیں کاروائی ءَ را سک باز مذمت کتگ ءُ اے واکیہ آنی ساھت ءَ جام شہادت نوش کنوکیں سیکورٹی فورسز آنی ورنا آناں توسیپ ءُ ستا پیش کتگ ءُ ایشانی برز ءُ بلندیں درجگ آنی واستہ دعا ءِ نیک کتگ۔ بنجاھی کابینہ ءَ ملک ءَ کاروباری چست ءُ ایر، سرمایہ کاری ءُ سیل ءُ سواد ءِ دیمروئی ءِ واستہ 126 ملک آنی واستہ آن لائن ویزا ایپلی کیشن سسٹم ءِ برجائی ءِ منظوری دات۔ ایشی ءِ چیر دستی ءَ اے ملک آنی سٹیزن 24 کلاک آنی ادر ءَ بزنس ءُ ٹورسٹ ویزا در جت کناں۔ اے 126 ملک آنی شہری ویزا پراسیسنگ فیس ھم گرگ نہ بیت۔ ایشی ءَ ابید سیمی ملک ءِ پاسپورٹ والائیں مردم سکھ یاتری آنی واستہ آن آرائیول ءِ آسراتی جتا ئی ءَ سب – کیٹیگری ءِ منظوری ھم دیگ بوتگ۔ ے ھوالگ ءَ بنجاھی وزارت تہی کار ءَ یک ڈیش بورڈ ھم ھم جوڑ کنگ بیت ایش آن لائن ویزا ءِ نظام ءِ نگرانی ءَ کنت۔ بنجاھی کابینہ ءَ اسلام آباد، بلوچستان ، سندھ ، لاہور ءُ پشاور ءِ شرپ مندیں کورٹس ءُ بنجاھی وزارت کاود ءُ انصاف ءِ سپارش ءِ سر ءَ بینک آنی کیس آنی ھوالگ ءَ ھاسیں آمید گس ءُ بینکنگ کورٹس نوٹیفائی کنگ ءِ منظوری داتگ۔ سیکورٹی اینڈ ایکسچینج کمیشن آف پاکستان ایکٹ 1997 ءِ سیکشن 37 ءِ چیر دستی ءَ اسلام آباد ہائی کورٹ ءِ شور ءُ مشور کتگیں اسپیشل کورٹ (Offences in Banks) اسلام آباد، ہائی کورٹ آف بلوچستان، کوئٹہ ء ِ شور ءُ داتگیں اسپیشل کورٹس کوئٹہ، ہائی کورٹ آف سندھ ، کراچی ءِ شور کتگیں اسپیشل کورٹ کراچی، لاہور ہائی کورٹ ، لاہور ءِ شور کتگیں اسپیشل کورٹس (Offences in Banks-I & II) لاہور، اسپیشل کورٹ (Offences in Banks)، ملتان ءُ پشاور ہائی کورٹ، پشاور ءِ شور کتگیں بینکنگ کورٹ 1، پشاور جوڑ کنگ بیت۔ اے ھاسیں بینکنگ آمید گس سیکورٹی اینڈ ایکسچینج کمیشن ءِ چیر دستی ءَ کار کن انت۔ بنجاھی کابینہ ءَ پاکستان ءُ ڈنماک ءِ نیام ءَ لاجسٹکس ، ٹرانسپورٹ ، گرین اینڈ سٹین ایبل گروتھ، واٹر ویسٹ منیجمنٹ ، اربن گرین ڈویلپمنٹ ، ایندگر ھاٹیگ ءُ بنیاتی کوکا ءِ جوڑیشت ءِ شوبگ ءَ پبلک پررائیویٹ پارٹنر شپ ءِ دیمروئی ءِ ھوالگ ءَ تپاک نامہ آنی سر ءَ دست چنگل جنگ ءِ منظوری داتگ۔ بنجاھی کابینہ ءِ دیونا ءَ کودکیں فسطینی برات ءُ زھگ آںی گوما یکوئی ءُ اسرائیلی ظلم ءُ زوراکی ءَ را گوں ترندی ءَ مذمت کنگ ءِھاترا منوگری منظوری کتگ۔ منوگری ءَ گوشگ بوتگ کہ 7 اکتوبر 2023 ءَ بگر تاں انوگ ءَ تاں اسرائیل ءِ زوراکیں گامگیج آنی سبب ءَ 39 ہزار ءَ چہ گیش فلسطینی شہید بوتگ انت ایشانی تہءَ کودکیں زھگ، زالبول، پیریگیں ، ورنا ھمک تبک ءَ گوں سیادی داروکیں بے کسوریں سٹیزن ھوار انت۔ ہسپتال ، سکول ، یونائیٹڈ نیشن ، میڈیا ءِ کارگس ءُ ورکر ، اھوالکار درست اسرائیلی بمب ءُ تیر ءُ گولہ آنی آماچ بوھگ ءَ انت۔ میان اوستمانی دگنیا ءِ انصاف ءِ آمید گس ءَ فلسطینی آناں تاوان پجارینگ ءِ ھوالگءَ گوشتگ کہ سرجمیں تاوان آناں پیلو بکن۔ اسلامی جمہوریہ پاکستان اسلامی ملک ءِ یک مشتیں گوانک ءِ او آئی سی ءِ سر ءَ ھم زور پر دنت کہ اے رد ءَ تپاکی ءُ گوں ءُ یکجائی گامگیج آنی واستہ نوک سر کوشست بندات کنگ بہ بیت ءُ اسلامی دگنیا ءِ سیادی داروکیں گامگیج آناں تیاری ءِ پد ءَ چار ءُ بچار کنگ بہ بیت۔ بنجاھی کابینہ 4 جولائی ءَ آستانہ ءَ شنگھائی کمکی گل ءِ سروکی ءَ دیوان ءَ فلسطین ءِ جاور ھال آنی ھوالگ ءَ سہرائیں بن گپ بیان کن گ ءَ را ساڑات ءُ ایشی ءِ سرجمی ءِ گوشت ءُ میاں اوستمانی برات آں چہ لوٹ کت کہ بنی آدم آنی لگت مال کنوک اسرائیل ءَ را ریاست ءِبستار ءَ پسو کنگی انت ءُ بے کسور آنی کشندہ ءَ را زوت انصاف ءِ واستہ ایر جوکینگی انت۔ منوگری ءَ گوشگ بوتگ کہ 7 اکتوبر 2023 ءَ بگر تاں انوگ ءَ تاں اسرائیل ءِ زوراکیں گامگیج آنی سبب ءَ 39 ہزار ءَ چہ گیش فلسطینی شہید بوتگ انت ایشانی تہءَ کودکیں زھگ، زالبول، پیریگیں ، ورنا ھمک تبک ءَ گوں سیادی داروکیں بے کسوریں سٹیزن ھوار انت۔ ہسپتال ، سکول ، یونائیٹڈ نیشن ، میڈیا ءِ کارگس ءُ ورکر ، اھوالکار درست اسرائیلی بمب ءُ تیر ءُ گولہ آنی آماچ بوھگ ءَ انت۔ میان اوستمانی دگنیا ءِ انصاف ءِ آمید گس ءَ فلسطینی آناں تاوان پجارینگ ءِ ھوالگءَ گوشتگ کہ سرجمیں تاوان آناں پیلو بکن۔ اسلامی جمہوریہ پاکستان اسلامی ملک ءِ یک مشتیں گوانک ءِ او آئی سی ءِ سر ءَ ھم زور پر دنت کہ اے رد ءَ تپاکی ءُ گوں ءُ یکجائی گامگیج آنی واستہ نوک سر کوشست بندات کنگ بہ بیت ءُ اسلامی دگنیا ءِ سیادی داروکیں گامگیج آناں تیاری ءِ پد ءَ چار ءُ بچار کنگ بہ بیت۔ بنجاھی کابینہ 4 جولائی ءَ آستانہ ءَ شنگھائی کمکی گل ءِ سروکی ءَ دیوان ءَ فلسطین ءِ جاور ھال آنی ھوالگ ءَ سہرائیں بن گپ بیان کن گ ءَ را ساڑات ءُ ایشی ءِ سرجمی ءِ گوشت ءُ میاں اوستمانی برات آں چہ لوٹ کت کہ بنی آدم آنی لگت مال کنوک اسرائیل ءَ را ریاست ءِبستار ءَ پسو کنگی انت ءُ بے کسور آنی کشندہ ءَ را زوت انصاف ءِ واستہ ایر جوکینگی انت۔ وت میاں اوستمانی انصاف پجاری کنوکیں آمید گس ءَ اسرائیل ءِ زوراکی کاروائی آںاں فلسطینی آنی نسل کشی نامینتگ۔ میاں اوستمانی برات غزہ ءَ زوت جنگ بندی ءُ بنی آدمی کمک ءِ پجاری ءِ واستہ وتی کوشست آناں ترند بکنت۔ اسلامی جمہوریہ پاکستان ءِ بنجاھی کابینہ پاکستان ءِ الس ءُ ریاست ءِ نماھندگی ءَ کنان ءَ اے جزم ءِ درشان ءَ کنت کہ فلسطین ءُمقبوضۃ جموں کشمیر ءِ الس آنی آزاتی، یونائیٹڈ نیشن ءُ میاں اوستمانی کانود ءِ رد ءَ ھک آنی پجاری ءَ تاں ھمک رنگیں کمک پجاری برجا کنت۔ فلسطینی آناں وردن ءُ وراک ءَ ھوار ایندگر المی ایں سامان آنی پجاری ءِ واستہ پیسر ءَ چہ گیش کوشست کنگ بیت۔ پاکستان یک رند ءِ پدا یونائیٹڈ نیشن ءُ میاں اوستمانی برات آنی سر ءَ زور پر دنت کہ مقبوضہ پڑ ءِ کوھنیں کشاں چیل ءِ گیواری ءِ واستہ گیش ءُ گیواری گامگیج کنگ بہ بیت۔ القدس الشریف دارالحکومت ءُ 1967 ءَ چہ پیسر ءِ استیں سیم سر آنی گوما فلسطین ریاست ءِ جوڑیشت ءِ رد ءَ دو ریاستی گیواری ءِ ھاترا نوک سر آسری کوشست کنگ بہ بیت۔
