کوئٹہ۔ 24 جولائی (اے پی پی) گورنر بلوچستان جعفر خان مندوخیل پارینے کہ رکھی بست وبند و خاص وڑاٹ الس نا جان و مال انا رکھ آ لاپرواہی ءِ سگپنہ، داہیت ءِ او چارشنبے نادے آ ژوب انا دورہ نا وخت آ ضلعی انتظامیہ نا آفیسر آتون اوڑدہی ٹی پارے۔ داوخت آ کمشنر ژوب ڈویژن طارق الرحمان بلوچ ژوب اٹی تاز انگا امن وایمنی نا حالیت، کروک آ گام گیج و بست وبند آتیا حوال تس۔ داوخت آ صوبائی وزیر میر عاصم کرد گیلو، نور محمد دمڑ، ڈپٹی کمشنر ژوب محبوب احمد اچکزئی، ایکٹنگ ڈی پی او اختر اچکزئی و ضلعی انتظامیہ نا ایلو آفیسر آک ہم ساڑی ئسر۔ گورنر بلوچستان ژوب و اوڑتون متصل ضلع غاتیٹی امن وایمنی نا جم حالیت، کروک گام گیج و بارڈر نا بابت سیکورٹی نا بست وبند آتیا غٹ کانود نافذ کروک آ ادارہ غاتا کارکڑد انا ستاءِ کرسا پارینے کہ رکھی بست وبند و خاص وڑاٹ الس نا جان ومال انا رکھ آ لاپرواہی ءِ سگنگ پننگک۔ گورنر بلوچستان پارت کرے کہ نم اسہ ایلو تون رابطہ غاتے ودفبو ودے و نن جوان وڑاٹ چسپان مبو۔ گورنر بلوچستان جعفر خان مندوخیل پارےکہ ژوب و شیرانی ڈسٹرکٹ اٹی الس ءِ اوفتا درگہ غا جان جوڑی، تعلیم، دیر و ایلو آسراتی تے تننگ کن پبی گام گیج کیر۔ اوغٹ محکمہ غاتا آفیسر و ملازم آتیا زور شاغا کہ او دفترآتیٹی تینا حاضری ءِ پک کیر و خذمت خلق انا جوزہ غان سرشار مرسا تینا فرض ءِ سرایتر۔
