اسلام آباد۔ 24 جولائی (اے پی پی) الیکشن کمیشن قومی اسمبلی ٹی قائد حزب اختلاف عمرایوب نا برخلاف مبینہ دھاندلی آن سرسہبی نا دوبہ غا ڈی آراو آن رپورٹ بٹنگسا کیس انا سماعت ءِ 6 اگست اسکان پدبٹے۔ سے شنبے نادے آ الیکشن کمیشن اٹی این اے 19 ہری پور آن سرسہب باسک و قومی اسمبلی ٹی قائدحزب اختلاف عمرایوب خان نا برخلاف مخالف اومیتدار بابر نواز نا درخواست آ الیکشن کمیشن اٹی سماعت مس۔ بابرنواز نا وکیل ضیاء الرحمان کمیشن نا مون آ پیش مس و خواست کرے کہ الیکشن اٹی دھاندلی مس ہنداسوب آن الیکشن ءِ کالعدم گوندنگے۔ وکیل درخواست گزار موقف تینا کرے کہ گچین کاری تیان مست عمرایوب 7 فروری آ ڈی آراو ءِ درخواست تسوسس کہ الیکشن اٹی بوگس وونٹ بٹنگک ہرافتے تیار کننگانے، دادرخواست آ ڈی آر او انت انکوائری کرے؟ الیکشن کمیشن ڈی آراو آن رپورٹ ءِ بٹنگسا کیس انا مستی سماعت ءِ 6 اگست اسکان پدبٹے۔
