اسلام آباد۔ 24 جولائی (اے پی پی) بنجائی وزیر نجکاری و زرکاری بورڈ ومواصلات عبدالعلیم خان پارینے کہ ملکی زرگزران نا سوگوی کن نسخان والا ادارہ غاتا نجکاری ءِ کننگ اُن، زرکاری و زرگزرانی وڑاٹ یورپی ملک آک بھاز اہمیت تخرہ، کراچی آن سکھر موٹروے اولیت ءِ تانکہ پشاور اسکان روڈ نیٹ ورک پورو مننگ کے، واپار نا مون آ دننگ کن چین و نیامی ایشیائی ملک آتسکان روڈ نیٹ ورک ءِ پورو کینہ۔ داخیال آتا درشانی ءِ او چارشنبے نادے آ پاکستان اٹی فرانس نا سفیر نکولس گیلے تون اوڑدہی ٹی کرے۔ اوڑدہی ٹی تین پہ تینی است خواہی نا چندی امور وملکی زرگزرانی باندات آتیا گپ وتران کننگا۔ فرانس نا سفیر بنجائی وزیر نا نیشنل ڈے انا بیابخیری ٹی بشخ ہلنگ آ منت واری ءِ ہرفے۔ بنجائی وزیر پارے کہ زرکاری و زرگزرانی وڑاٹ یورپی ملک آک بھاز اہمیت تخرہ ، ملکی زرگزران نا سوگوی کن نسخان والا ادارہ غاتا نجکاری ءِ کننگ اُن۔ عبدالعلیم خان پارے کہ پرائیوٹائز مروک آ مچ آ ادارہ غاتیٹی کٹیا کننگ و گچین کاریم کننگ نا لائخی ءِ، کراچی آن سکھر موٹروے اولیت ءِ تانکہ پشاور اسکان روڈ نیٹ ورک پورو مننگ کے۔ اوپارے کہ واپار نا مون آ دننگ کن چین و نیامی ایشیائی ملک آتسکان روڈ نیٹ ورک ءِ پورو کینہ۔ سفیر نکولس گیلے بنجائی وزیر عبدالعلیم خان تون ہڑتوم آ کنڈآتا کمکاری نا امور و فرانس نا کنڈآن پاکستان کن چندی بشخ آتیٹی است خواہی نا درشانی ءِ کرسا اسیجائی کوشست آتا بارواٹی گپ وتران کرے۔ فرانسیسی سفیر پارے کہ پوسکن آ ٹیکنالوجی، دفاعی پیدوار و آئی ٹی ٹی ہم فرانس نا مہارت آن فائدہ ہرفنگ کینہ، پاکستان اٹ اڈکننگ خوشگوار ءِ، داجاگہ نا مہمانداری آن چس ہلنگ اٹی اُٹ۔ اوڑدہی ٹی پاکستان و فرانس نا نیام اٹ ہڑتوم آ کنڈآتا واپار اٹی ودکی کن چندی سلاہ تیا ہم گپ وتران کننگا۔ نکولس گیلے پاکستان اٹ چندی بشخ آتیٹی زرکاری و کاروباری سرجزآتیٹی است خواہی نا درشانی ءِ کرے۔ بنجائی وزیر فرانسیسی کمپنی تے چندی بشخ آتیٹی زرکاری و ہڑتوم آکنڈآتا واپار نا سلہ ءِ خلک وخت اس کہ فرانسیسی سفیر بنجائی وزیر ءِ فرانس نا دورہ و بزنس ایسوسی ایشن تون اوڑدہی نا سلہ خلک۔
