اسلام آباد۔23جولائی (اے پی پی): بنجاھی وزیر اھوالکاری ءُ شنگ کاری ، راجی مڈی عطا اللہ تارڑ ءَ گوشتگ کہ جنگ ءُ چوپی ٹولی ءِ سروک ءَ گڈی ءَ 9 مئی ءِ واکیہ ءَ کمک کنگ ءُ منصوبگ سازی کنگ ءِ جرم ءَ را من اتگ۔ اے جنگی ءُ چوپ ءِ آس ءَ را دمینوک ءِ ھلاپ ءَ ترندیں کاروائی ملکی سلامتی ءُ راجی سیت ءِ لوٹ انت۔ سئے شمبے ءَ وتی بیان ءَ بنجاھی وزیر اھوالکاری ءَ گوشتگ کہ پی ٹی آئی ءِ سیاست مدام جنگ ءُ چوپ ناشرکاری ءِ وسیلگ ءَ ریاست ءَ را تاوان پجارینگ ءِ گولائی ءَ چکریت۔ آئی ءَ مدام لاش آنی سر ءَ سیاست کتگ۔ 9 مئی ءَ 200 ءَ چہ گیش فوجی جاہ آنی سر ءَ ءُجی ایچ کیو ءِ سر ءَ ارش کتگ، کورکمانڈر گس ءِ ڈن ءَ عمران نیازی ءِ ھاندان ءِ مردم ساڑی بوتگ انت ، اے ارش آنی پنت ءُ شون داتگ۔ آئیءَ گوشت کہ زمان پارک ناشرکار آنی ہیڈ کواٹر بوتگ آھودا پٹرول بمب تیار کنگ بوتگ ءُ ریاست ءِ ھلاپ ءَ ارش ءِ ھیل کاری دیگ بوتگ۔ بنجاھی وزیر ءَ گوشتگ کہ آئی ایم ایف ءَ را نمدی نبشتہ کنگ، ملک ءَ را ڈیفالٹ کنائینگ ، سائفر ءَ را دست کنگ ءَ چنڈینگ ءَ بگر تاں شہید آنی یات گیر آنی بے شرپی کنگ بوتگ، آئی ءَ گوشت کہ ھمک ھما کا ر کہ ملک دژمن آں کت نہ کتگ آئی ءَ کتگ۔ عطا اللہ تارڑ ءَ گوشت کہ اے ناشرکاری ، جنگ ءُ چوپ کنوکیں ٹولی ءِ ھلاپ ءَ ترندیں کاروائی ملکی سلامتی ءُراجی سیت ءِ لوٹ انت۔
