اسلام آباد۔23جولائی (اے پی پی):صدر مملکت آصف علی زرداری ءَ ترکمانستان ءِ گوما وت مہ وتی واھگی کار توامیں شوبگ آںی تہءَ دو نیمگی یکوئی آناں گیش شاھیگانی دیگ ءِ ھوالگ ءَ زور پر دیان ءَ گوشتگ کہ ترجمانستان ءَ را گوادر دکہ ءَ چہ دمگی تجارت ءِ دیمروئی ءِ واستہ سیت چست کنگ لوٹ ائیت۔ ایوان ءِ صدر ءِ پریس ونگ ءِ رد ءَ صدر مملکت آصف علی زرداری تر کمانستان ءِ کابینہ ءِ ڈپٹی چیئرمین ءُ وزیر ءِ درئی کار چیئرمین ءُ وزیر ءِ درئی کار راشد میر دوف ءَ گوں تران کنان ءَ کت آئی ءَ سئے شمبے ءِ روچ ءَ ایوان ءِ صدر ءَ آئی ءَ گوں گند ءُ نند کت۔ صدر مملکت ءَ ترکمانستان ءِ گوما یکوئی آناں مھکم کنگ ءِ جزم ءِ درشان کت۔ صدر مملکت ءَ گوشتگ کہ پاکستان ءُ ترکمانستان ءِ یکوئی پڑ ءَ ایمنی ءُ وشھالی ءِ یکجائی وژن ءِ رد ءَ انت۔ دوئیں ملک آنی نیام ءَ مزن تکی تر ءُ تاب آنی ھوالگ ءَ دو نیمگی کمک آناں گیش مھکم جوڑ کنگ ءِ و ت مہ وتی واھشت آنی درشان انت۔ آئی ءَ گوشت کہ پاکستان ءُ ترکمانستان ءِ نیام ءَ رابطہ آناں ودینگ ءِضلورت ءِ سر ءَ زور پر دیان ءَ گوشتگ کہ دوئیں ملک آنی تجارتی، اقتصادی سرمایہکاری ءُ دود ءُ ربیدگ یکوئی آناں ودینگ بیت۔ صدر مملکت ءَ گوشتگ کہ ترکمانستان ءِ نودربر پاکستان ءِ طبی ادارگ آں چہ وانگ ءُ زانگ در جت کناں۔ ترکمانستان ءِ وزیر ءِ درئی کار ءَ گوشت کہ پاکستان ءُ ترکمانستان ءِ نیام ءَ جوانیں یکوئی است۔ ترکمانستان پاکستان ءِ گوما اقتصادی ، دود ءُ ربیدگی وانگ ءُ زانگی کمک آنی دیمروئی جاڑی دار انت۔ وزیر ءِ درئی کار ءَ دوئیں براتیں ملک آناں ملارینگ ءِ واستہ موٹر ویز ءُ ریلوے ءِ جوڑیشت ءِ ھوالگ ءَ زور پر دات۔
