اسلام آباد۔23جولائی (اے پی پی): صدر مملکت آصف علی زرداری ءَ کرسچن میرج مٹ ءُ بدلی ایکٹ 2024 ءَ سئے شمبے ءَ ادا ایوان صدر ءَ برجم بوتگیں یک ھاسیں مراگشے ءِ ساھت ءَ دست چنگل جتگ، ایکٹ ءِ چیر دستیءَ کرسچن مردین ءُ جنن آناں سور کنگ ءِ امبت 18 سال کنگ بوتگ۔ ایوان ءِ صدر ءِ پریس ونگ ءَ جاڑی بیان ءِ رد ءَ اے موہ ءَ گوں گشتانک دیان ءَ صدر مملکت ءَ توامیں سرکاری مزور آنی تہ ءَ گور آنی واستہ مزور آنی کوٹہ ءَ گیش گیشی کنگ ءِ پد ءَ زور پر داتگ ءُ گوشتگ کہ اے رد ءَ حکومت ءَ را نمدی نبشتہ کناں۔ آئی ءَ گوشت کہ توامیں گور ملک ءِ ھمکچ ءُ یک ءُ دگر ءَ برابر ھک ءُ بستار دارگ واھند انت۔ آئی ءَ گوشت کہ گور آناں بازیں نہ وشیں واکیہ آں چہ مایوس بوھگ نہ لوٹ ائیت ءُ ا ے وطن آئی ھمینکیاس انت ھمینچوک آھانی انت۔ صدر پاکستان ءَ کانود ءِ آرٹیکل 75 ءِ چیر دستی ءَ ایکٹ ءِ منظوری دات۔ کرسچن میرج مٹ ءُ بدلی ایکٹ 2024 ءِ چیر دستی ءَ 1872 ءِ کرسچن میرج ایکٹ ءِ سیکشن 60 ءَ مٹ ءُ بدل کنگ بوتگ۔ مٹ ءُ بدلی ءَ چہ اولی سور کنگ ءِ ارادگ داروکیں کرسچن مردین ءُ جنین آنی امبر ءِ کساس 16 ءُ 13 سال ءَ چہ گیش بوھگی بوتگ۔ مراگش ءَ بنجاھی وزیر نیک راھی کار ءُ نیک راھ آنی وت مہ وتی نزیکی چوہدری سالک حسین، سیکرٹری وزارت نیک راھی کار ذوالفقار حیدر، کرسچن ٹک ءِ باسک ءُ مزن مزنیں سرکاری اپسرگ آن بھر زوری کت۔ اے موہ ءَ بشپ ابراہیم ڈینیل ءَ گوشتگ کہ مردین ءُ جنین آنی واستہ سور ءِ امبر ءَ را ودینگ ءِ کرسچن برات آنی کوھنیں لوٹ ءِ بوتگ۔ آئی ءَ مراگش ءِ ساھت ءَ ایکٹ ءِ سر ءَ دست چنگل جنگ ءِ پد ءَ شگر ءُ منت واری گپت۔ آئیءَ گوستگیں دور حکومت ءَ سرکاری مزور آنی تہ ءَ گور آنی 5 درسد کوٹہ گیشینگ، ل سینیٹ ءَ گور آنی واستہ ھاسیں سیٹ گیشینگ کنگ ءِ گوما 11 اگست ءَ پاکستان ءَ گور آنی روچ ءَ را برجم دارگ ءِ جار ءِ پد ءَ صدر مملکت آصف علی زرداری ءِ شگر ءُ منت واری گپت۔ سیکرٹری وزارت نیک راھی کار نیک راھ آنی وت مہ وتی یکوئی ذوالفقار حیدر ءَ گوشتگ کہ حکومت ءِ پاکستان ءِ کانود ءُ ملک ءِ جوڑیشتکار آنی وژن ءُ شرپ ءِ رد ءَ گور آنی ھک ءِ رکھینگ ءِ واستہ جزمیگ انت۔
