اسلام آباد۔ 23 جولائی (اے پی پی) بنجائی وزیر امور کشمیر و سیفران انجینئر امیر مقام پارینے کہ ڈی جی آئی ایس پی آر دہشت گرد آتا برخلاف وخت اس کہ پی ٹی آئی دہشت گرد آتا مخ تفی ٹی پریس کانفرنس کرے، پی ٹی آئی لیڈرآتا پریس کانفرنس داہیت انا شاہدی ءِ کہ داامن خواپسہ۔ سے شنبے نادے آ پی ٹی آئی لیڈر آتا پریس کانفرنس آ ردعمل اٹی انجینئر امیر مقام پارے کہ ڈی جی آئی ایس پی آر پی ٹی آئی نا پن ءِ ہلتو ولے پی ٹی آئی راہشون تا پریس کانفرنس ڈیجیٹل دہشت گردی و 9 مئی نا ڈوہ انا اعتراف ئس۔ بانی پی ٹی آئی اڈیالہ زندان آن 9 مئی نا ڈٹ بندی نا اعتراف ءِ کرے وخت اس کہ پی ٹی آئی لیڈر اونا برکس بیان تسرہ۔ اوپارے کہ پی ٹی آئی تینا بیان، اعترافی ویڈیوز، جی ایچ کیو، کورکمانڈر آتا اُراتیا جلہو نا مہالو ہم اعتراف ءِ کرینے، یوٹرن آن ڈوہ ءِ ڈکھنگ مفک۔ امیرمقام پارے کہ مچ آ دنیا 9 مئی نا ججلہو آتا ویڈیو ءِ خنار، اسٹیٹ بینک فارن فنڈنگ نا ریکارڈ تس۔ اوپارے کہ پی ٹی آئی و اونا صوبائی حکومت بنوں امن مارچ ءِ فوج انا برخلاف مارچ کریر۔ داڈوہ پین ملک اسے ٹی مسکہ تو داتم اسکان دا بے چیٹی گروہ آ پابندی لگاکہ و اودے عبرت نا درور جوڑ کننگاکہ۔
