راولپنڈی۔ 23 جولائی (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف کریک ڈاؤن اٹی 9 کارروائی تیٹی 330 کلوگرام منشیات دوئی کرسا 8 دوبہ دارآتے دزگیرکرے۔ اے این ایف ہیڈکوارٹرراولپنڈی آن جاری تدوک آ بیست ءُ چار گھنٹہ ٹی کروک آ انسداد منشیات آپریشن تا سرجم آتا رداٹ اسلام آباد بالی پٹ آ قطر آ ہنوک آ مسافر آن 826 گرام آئس دوئی کننگا۔ لاہور اٹی کوریئر آفس اٹی برطانیہ غا گدریفوک آ پارسل آن 900 گرام ہیرون دوئی کننگا۔ راولپنڈی ٹی کوریئر آفس اٹی برطانیہ غان گدریفوک آ پارسل آن 12 گرام ویڈ دوئی کننگا۔ پسنی روڈ کیچ آن 250 کلوگرام چرس دوئی کننگا۔ راوی ٹول پلازہ لاہور نا خڑک 2 دوبہ دار آن 7.2 کلوگرام افیم، 2 کلوگرام ہیرون و36 کلوگرام چرس دوئی کننگا۔ ایم ون موٹروے اسلام آباد نا خڑک اِرا کارروائی تیٹی 3 زالبول آتیان 8.4 کلوگرام چرس و 2 کلوگرام آئس دوئی کننگا۔ رنگ روڈ پشاور آ گاڈی آن 18 کلوگرام چرس دوئی کننگا۔ چارسدہ انٹرچینج ٹول پلازہ نا خڑک گاڈی آن 4.8 کلوگرام چرس دوئی کرسا 2 دوبہ دار آتے دزگیرکننگا۔ ترجمان پارے کہ دزگیر دوبہ دارآتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
