کوئٹہ۔ 23 جولائی (اے پی پی) وزیراعظم یوتھ پروگرام نا چیئرمین رانا مشہود احمد خان پارینے کہ ساڑی حکومت بلوچستان نا ٹھپ آتیا مالم خلسا ملک انا غٹ آن بھلا صوبہ نا زرگزرانی سوگوی کن سنبرینگوک ءِ۔ ہمووخت مر اف ہراتم بلوچستان پاکستان نا شون ہلوک صوبہ جوڑ مریک سیوت و سخا اٹ بلوچستان ءِ دنیا کن رول ماڈل اس جوڑ کینہ ، پی پی اے ایف نا بلوچستان اٹی نیزگاری ٹی کمتی و زرگزرانی سرجزآتیکن پبی گام گیج ستاکڑزک۔ داخیال آتا درشانی ءِ او سے شنبے نادے آپروگرام پائیدار دیہی شونداری و شونہالی نا رداٹ میچنگ گرانٹ آتا چیک پشخنگ نا دود آن تران کرساکرے۔ داوخت آ صوبائی وزیر تعلیم راحیلہ حمید درانی، پاکستان پاورٹی ایلیوایشن فنڈ انا چیف ایگزیکٹیو آفیسر نادرگل بڑیچ، قومی میرات و کلچر ڈویژن نا ایڈوائزر کاشف ارشاد،ترقی فاؤنڈیشن نا امجد رشید، صوبائی اسمبلی نا باسک روی پہیوجی، پروگرام منیجر مدیحہ اسلم،گراسپ پروگرام ناجہانزیب خان، بی آر ایس پی ناچیف ایگزیکٹو آفیسر طاہر الرشید سابق سینیٹر روشن خورشید بروچہ، قبلہ ایاز، زمیندار ایکشن کمیٹی ناکاظم خان اچکزئی، چیمبر آف کامرس اینڈ انڈسٹری نا سید عبدالاحد آغا، عبدالمتین اخند زادہ، یو این ڈی پی نا صوبائی سروک ذوالفقار درانی و ایلوفک ہم ساڑی ئسر۔رانا مشہود احمد خان پارے کہ بلوچستان نا ورناتیٹی ہراتعمیر، مون آ ہِننگ، تینا جاگہ ءِ جوڑ کننگ نا جوزہ خناٹ، ہندا ہمو جوزہ ءِ ہرا قوم تے مون آ دیک ہمووخت مر اف کہ ہراتم بلوچستان پاکستان ءِ لیڈکروئے۔ اوپارے کہ ساڑی حکومت بلوچستان ءِ شونداری نا شاہراہ غا دننگ کن مخلصانہ کوشست کننگ ءِ، بلوچستان نا مشک معدنیات آن پُر تموک ءُ داجاگہ نا الس گڑاس کننگ نا جوزہ غان سرشار ءُ۔ اوپارے کہ راحیلہ حمید درانی نادر گل بڑیچ نا کارکڑد ستاکڑزک۔ وخت انا گرج ءِ کہ نن غٹ اواری اٹ سیوت و سخا ودی کین۔ اوپارے کہ بلوچستان نا اِلار، انگور تون اوار ایلو مصنوعات آتا برآمد و صوبہ نا مخلوق نا زرگزرانی حالیت آتے گچین کننگ کن بنجائی حکومت اسلام آباد اٹی اسہ جہانی ایکسپواس اڈ ایتک تانکہ بلوچستان نا پروڈکٹ آتے جہانی مارکیٹ اسکان سرکننگ مرے۔ بلوچستان معدنیات آتیان شپ ءِ نیوٹیک تون معدنیات نا بابت تربیت فراوان کننگ ءِ۔ اوپارے کہ سولرائزیشن ڈٹ انا رداٹ بلوچستان نا زمیندار آتے پیکج تننگ اُن، یوتھ وزیراعظم یوتھ وام پروگرام نا رداٹ بلوچستان کن خصوصی فیسلی ٹیشن سینٹرا س جوڑ کینہ تانکہ بلوچستان نا ورناک زیات آن زیات فائدہ ہرفر۔ سوشل میڈیا غا ادارہ غاتا برخلاف اسہ مہم اس چلیفنگ انگ ءِ او افسوزناک ءِ ، ننا دشمن ننے نزور کننگ خواہک۔ ننے داوختی چیلنج آتا مقابلہ ءِ کروئی مریک۔ 2013 ٹی نواز شریف نا حکومت بس ولے اسہ دروغ انا کیس اسے ٹی اودے نابود کننگا و پاکستان آ کبینی بے روزگاری مسلط کننگا۔ پاکستان ءِ مون تروک ویل آتا ایسری کن اسہ عزم اتون کاریم کروئی مریک۔ 2017 آن 2024 اسکان ہچ ءُ پیشن نا زرکاری اس بتنے ولے داسہ دا چرجوئی ولدا بناکرینے۔ پاکستان پاورٹی ایلیویشن فنڈ انا چیف ایگزیکٹیو آفیسر نادر گل بڑیچ پارے کہ پاکستان نا پسماندہ و نیزگار ضلع غاتیٹی نیزگاری ٹی کمتی آ کاریم کننگ اُن، سکلڈ و وام فراوان کرسا مخلوق ءِ روزگار نا وارخواہی فراوان کننگ ءِ ننکن دا موقع ءِ کہ نن ورناتے وارخواہی فراوان کین مچ آ دنیا ٹی سرکاری ملازمت نا وارخواہی بھا ز محدود ءُ، پرائیویٹ سیکٹراٹی کاروبار ءِ مون آدرسا داخورکیءِ پُرکننگ مریک۔ کشت وکشار و لائیو اسٹاک نا بشخ آتیٹی زمیندار و مخلوق نا کاریم نا کچ اٹی ودکی و گرانٹ آتا فراوانی آن زرگزرانی انقلاب اس اتنگ انگ ءِ، ہزار آمخلوق ءِ کاروباری وارخواہی ملنگ ءِ۔ بزغر و چنکا کاروبار تون گنڈوک مخلوق ءِ تربیت فراوان کننگ انگ ءِ تانکہ او تینا کاروبار ءِ ودفسا اونا گچین مارکیٹنگ و پیکجنگ ءِ کننگ کیر۔ پاکستان پاورٹی ایلیویشن فنڈ انا کنڈآن الس خاص کر زمیندار و بینک آتا نیام اٹ خلا ءِ کم کننگ نا کوشست کننگانے، حکومت بلوچستان تون اواری اٹ منرلز سیکٹر اٹی کاریم کینہ پاکستان نا زرگزران اٹی الس نا اہم ءُ کڑد اسے و دا چرجوئی ٹی نرینہ و نیاڑی تے کاروبار نا وارخواہی فراوان کننگ نا گرج ءِ۔ گراسپ نا جہانزیب خان دود آن تران کرسا پارے کہ گراسپ ڈٹ انا مسخت راج اکن اختہ تپہ غاتے زرگزرانی سرجز آتا کمک اٹ نیزگاری آن بڑزا اتوئی ءِ۔ اوپارے کہ بنجائی و صوبائی حکومت، یورپی یونین و پی پی اے ایف نا کمک اٹ 42000 ایس ایم ایز تون کاریم کننگ ءُ۔ صوبہ نا 169 بزغرآتے میچنگ گرانٹ آتا رداٹ 25 لکھ آن 3 کروڑ نا گرانٹ تننگا وخت اس کہ مون نا ریسہ ٹی 210 بزغرآتے گرانٹ تننگک۔
