اسلام آباد۔ 23 جولائی (اے پی پی) بنجائی وزیر مذہبی امور و بین المذاہب ہم آہنگی چوہدری سالک حسین و پاکستان اٹی مصر انا سفیر ڈاکٹر ایہاب محمد عبدالحمید حسن نا نیام اٹ سے شنبے نادے آ اوڑدہی مس ہراٹی ہڑتوم آ کنڈآتا تعلقداری و مذہبی تعلیم تون اوار تین پہ تینی است خواہی نا چندی بشخ آتیٹی تعلقداری تے پین سوگو کننگ آ امنا کننگا۔ ہڑتوم آ فریق آک پاکستان ومصر انا نیام اٹ ہڑتوم آکنڈآتا تعلقداری تے پین مون آ دننگ نا وڑوڈول آتیا گپ وتران اٹی پاریر کہ ہڑتوم آملک آتا نیام اٹ مذہبی، روحانی و راجی خذمت آتا مرکز نا وڑاٹ مسیت نا کڑد ءِ ودفنگ کن تین پہ تینی وڑاٹ جاچ ہلنگ نا گرج ءِ۔ مصر انا سفیر وزیرمذہبی امور ءِ مذہبی تعلیم تننگ کن الازہر یونیورسٹی تون الحاق مروک پنجاب اٹی اسہ ادارہ اس جوڑ کننگ نابارواٹی پارے وپارے کہ مصر انا 11 پروفیسر مہالو آن انٹرنیشنل اسلامک یونیورسٹی اسلام آباد اٹی چندی فیکلٹی تیٹی خوانفنگ ءُ۔ اووزیرمذہبی امور ءِ مصر اٹی زالبول آتا کڑد انا بابت کانفرنس اٹی بشخ ہلنگ نا سلہ ہم خلک۔
