کوئٹہ۔ 23جولائی (اے پی پی) گورنر بلوچستان جعفر خان مندوخیل اینو اِرادے ئی دورہ غا ژوب آ سرمس ہراڑے کمشنر ژوب ڈویژن طارق الرحمان بلوچ، ڈپٹی کمشنر محبوب احمد اچکزئی، ایکٹنگ ڈی پی او اختر اچکزئی و ضلعی انتطامیہ نا ایلو آفیسر آک اودے جم وجوش اٹ بخیرکریر۔ گورنر نا ژوب ہیلی کاپٹر نا کمک اٹ سرمننگ تون بلوچستان کانسٹیبلری نا چاق و چوبند دستہ سلامی پیش کرے۔ یات سلے کہ صوبائی وزیر میر عاصم کرد گیلو و نور محمد دمڑئسک ہم گورنر بلوچستان جعفر خان مندوخیل تون اوار ءُ۔ دورہ نا اصل مسخت مر مر انگا ضلع غاتا مروضی حالیت و الس ءِ مون تروک مشکل آتیان آگاہی ہم دوئی کننگ ءِ۔ داوخت آ گورنر ژوب ٹوواناروڈ نا باقاعدہ بناءِ کرے۔
