راولپنڈی ۔ 22 جولائی (اے پی پی) اینٹی نارکوٹکس فورس منشیات اسمگلنگ نا برخلاف کریک ڈاؤن اٹی 4 کارروائی تیٹی 42 کلوگرام منشیات دوئی کرسا 4 دوبہ دار آتے دزگیرکرے۔ اے این ایف ہیڈکوارٹرراولپنڈی آن جاری تدوک آ24 گھنٹہ ٹی کروک آ انسداد منشیات آپریشن تا سرجم آتا رداٹ پشاور بالی پٹ آشارجہ غا ہنوک آمسافر آن 108 دانہ ہیرون آن پُر کیپسول دوئی کننگا۔ تربت آن 30 کلوگرام ممنوعہ پاؤڈر و 9 کلوگرام چرس دوئی کننگا۔ کچلاک بائی پاس کوئٹہ ٹی دوبہ دار اسے آن 2 کلوگرام آئس دوئی کننگا۔ فیروز پور روڈ لاہور نا خڑک اِرا درملکی باتی تیان 1 کلوگرام ہیرون و 15 گرام کوکین دوئی کننگا۔ ترجمان پارے کہ دزگیر دوبہ دار آتا برخلاف منشیات تور ایکٹ انا رداٹ مقدمہ کرسا جاست وپاست نا بناءِ کننگانے۔
