اسلام آباد۔ 22 جولائی (اے پی پی) نائب وزیراعظم و وزیرخارجہ محمد اسحاق ڈار نا کماشی ٹی اسہ بڑزکو کہولی دیوان اس دوشنبے نادے آ داڑے اڈ ہلک ہراٹی اوورسیز پاکستانی تا راجی آسودہی نا بابت چندی اہم امور تیا سجفنگا۔ دفترخارجہ نا کنڈآن جاری بیان نا رداٹ دیوان اٹی سیکرٹری خارجہ، سیکرٹری داخلہ، ڈی جی IMPASSو وزارت خارجہ نا سینئر کمامدارآک بشخ ہلکر۔ نائب وزیراعظم و وزیرخارجہ ءِ سیکرٹری داخلہ و ڈی جی IMPASSنا کنڈآن پیشن ناملک رہینگوک پاکستانی تے وخت آ پاسپورٹ نا جاری کننگ نا آسودہی نا بارواٹی جوان حوال تننگا۔ دیوان اٹی پیشن نا ملک اسائلم نا خواہندار بندغ آتیکن پاکستانی پاسپورٹ نا جاری کننگ ءِ معطل کروک 5جون 2024نا سرکلر ءِ دمدستی وڑاٹ پدی ہلنگ نا فیصلہ کننگا۔ نائب وزیراعظم ءِ باور کرفنگا کہ سمندر پار پاکستانی تا پاسپورٹ 60 دے انا تہہ ٹی جاری کننگک۔
