اسلام آباد۔ 22 جولائی (اے پی پی) اوآئی سی نا 25 می 3 دے ئی جہانی آبی وسیلہ، توانائی، خور و چاگڑدی بدلی کانفرنس اکیڈمی آف سائنسز اسلام آباد اٹی دوشنبے نادے آ بناکرے۔ جہانی اسلامک اکیڈمی آف سائنسز نا صدر تون اوار 12 ملک آتا سائنسدان و پولکارآک کانفرنس اٹی بشخ ہلنگ اٹی ءُ۔ اسلام آباد سائنس اکیڈمی ٹی جہانی کانفرنس نااڈتننگ ورلڈ اسلامی اکیڈمی نا کمک اٹ کننگانے۔ چیئرمین سینیٹ سید یوسف رضاگیلانی ، سینیٹر شیری رحمان، چیئرمین ایچ ای سی ڈاکٹر مختاراحمد و سینئر سائنسدان ڈاکٹر عطاء الرحمان ئسک ہم کانفرنس اٹی ساڑی ءُ۔ بنگلہ دیش، ملائیشیا، اردن، لبنان تون اوار ایلو ملک آتا نمائندہ غاک ہم کانفرنس اٹی بشخ ہلنگ اٹی ءُ۔ صدر اسلامک ورلڈ اکیڈمی آف سائنس پروفیسر عدنان باردن ہم کانفرنس آن تران کرے وخت اس کہ پاکستانی سائنسدان و پولکارآک ہم کانفرنس اٹی بشخ ہلکر۔ سینیٹر شیری رحمان صدر مملکت نا نمائندگی ءِ کرسا بنائی تران کرے۔ سینیٹر شیری رحمان صدر مملکت آصف علی زرداری نا کلہو ءِ خوانسا بنفے۔ اوپارے کہ پِر تیان بیدس نن ایلو چاگڑدی بدلی تا تنکی تتون مون تروک اُن، علاقائی ادارہ غاتا لائخی ءِ ودفوئی مریک تانکہ او آفت آتے توننگ کیر، پاکستان نا چاگڑدی چیلنج آتے مون آ تخسا ننے رزیلیئنس نااول سرآن وضاحت ءِ کروئی مریک۔ اوپارے کہ بیرہ انفراسٹرکچر ہی رزیلیئنس اف، ننے رزیلینس اٹی ہندی مخلوق و آبادی تے اوار کروئی مریک۔ شیری رحمان پارے کہ چاگڑدی بدلی نا غٹ تعلقدار ادارہ غاتے اسہ ایلو تون رابطہ و اسیجائی حکمت عملی اٹ چیلنج آتون مون تروئی مریک، ڈغار اٹی دیر انا کچ ءِ ودفسا دِیر انا کمتی ءِ پورو کننگ مریک۔ اوپارے کہ پوسکن آٹیکنالوجی نا کاریم اٹ اتنگ آن نن موسمیاتی بدلی نا نسخان تا بھلو حداسسکان مون ءِ توننگ کینہ۔
